Podcast

Aisialdian eta parkeetan euskara gozatzeko eta eragiteko dinamika indartu nahian dabil Irungo Udala

Miren Etxebeste, Euskara arloko zinegotzia


Aisialdian eta parkeetan euskara gozatzeko eta eragiteko dinamika indartu nahian dabil Irungo Udala

Irungo Udaleko Euskara arlotik euskara gozatzeko tresna dela erakutsi nahi die haur eta familiei, eta haientzako jarduerak antolatu dituzte hilabete honetarako. Familia Ola programaren eskutik, 2 eta 8 urte bitarteko haurrak dituzten familiei zuzenduta, Plaiaundi Parke Ekologikora bisita antolatu dute maiatzaren 17an eta 19an, ipuin kontalari musikatua Ameli ipuin jostariaren eskutik maiatzaren 24an eta 26ean, Hondarribiko kirol portutik Jaizkibelgo itsaslabarrak ikusteko itsasontziz irteera maiatzaren 22an, eta hilabetea borobiltzeko, maiatzaren 29an, Arditurri parketxeko meategira bisita gidatua ere.

Halere, espreski izen-ematea eskatzen duen programa hontatik haratago, 3-9 urte bitarteko haurrei zuzendutako 'Haurrak Parkean' programa ere proposatuko dute hiriko hainbat parkeetan. Garai bateko Parketarrak programaren eguneraketa honetan, adin tarte bakoitzari egokitutako jolas-dinamikak proposatzen dizkiete hiriko parkeetan hezitzaileen eskutik. Miren Etxebeste, Euskara arloko zinegotziak azaldu digunez, "gune arautuetatik kanpo, berez, parkeetara hurbiltzen diren haurrei euskaraz gozatzeko aukera emateko helburua du, amua jartzen zaie inon izenik eman gabe dinamikara batu daitezen". Azken batean, parkeko jolas denbora euskaraz egin dezaten.

Maiatzan, eguraldi hobekuntzarekin batera, ekimen hau indartu egingo dute, eta bost parketara helduko dira. Asteazkenetan Olaketako Partxiseko etxeen parke estalian eta San Juan plazan. Eta ostiralero Nagore Laffage parkea (Palmera Montero), San Migel auzuneko Alberto Anguera plazan, eta Landetxa-Katea auzoko Lapurdi kaleko jolasgunean.

Últimas noticias

‘Gure Zirkua’-k Hondarribian bildutako arrakasta Bidasoan gora errepikatzeko Beran izango da

Plaiaundi Hendaiarekin lotuko duen bidegorria ere, aurki egokituko dutela segurtatu du Irungo EAJk

Gazteek ‘KONEKTA’ dezaten zerbitzua abian jarri du Martindozeneak

Trantsizio ekologikoa erraztuko duen laborantxaz ariko dira Baleak elkartean ostegunean

Aitor Elexpuru: "Iazko suteen ondotik, Bidasoaldeko herrien arteko lankidetza azkartu egin da"

Aurrekontu Irekiak ekimenak bi egun hartu ditu eskualdeko herritarren bozkak aurrez-aurre biltzeko



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies