Podcast

Aiza elkarteak Hondarribia 'Sormen Hiria' izaten jarrai dezan hausnarketa abiarazi du

Josu Peña, Aizako kidea


Aiza elkarteak Hondarribia 'Sormen Hiria' izaten jarrai dezan hausnarketa abiarazi du

Duela hiru hilabete sortu zenetik herriko eragileen arteko saretzea bultzatzen ari da Aiza Kultur Elkartea. Bereziki kulturgintzak duen egoerarekin kezkaturik daude "sortzaile asko badago ere, bakoitza bere aldetik" dabilelako. Orain artean askotariko gaiak jorratu dituzte. Izan ere, Olagarro elkarteak osasun zerbitzuen egoeraz adituekin solasaldia antolatu zuten estreineko hitzorduan. Eta joan den astean 'Hondarribeer' eta 'Higer-Hondarribia' artisau garagardo ekoizleekin maridaje festa antolatu zuten.

Haatik, euren helburu nagusira lotuko dira datozen asteetan. Zenbait bilkura egin dituzte dagoeneko herriko artista eta artisauekin. Eta ekainaren 15ean (asteazkena) 19:00etan mahaingurua antolatu dute 'Hondarribia Sormen Hiria' ekimena abiarazteko. "Dozena bat sortzaile bilduko dira bertan, baina interesa duen herritar orori irekia da", dio Josu Peñak, Aizako kideak. Hondarribiko kulturgintza dinamizatzeko asmoz, kultur-sormen eta adierazpenerako herriak dituen espazio aski ote dagoen aztertu eta hausnartzeko helburua baitute. "Denen ekarpenak ongi etorriak izango dira, garai batean Alde Zaharrean eta herrian zeuden arte galeria, artisau eta artearen giro emankor hura berreskuratzeko zer behar den hausnartu nahi dugu eta", argitu du Peñak.

Mahaingurua Kultur Etxeko 103. gelan izango da, hilaren 15ean 19:00etan.

 

Últimas noticias

‘Gure Zirkua’-k Hondarribian bildutako arrakasta Bidasoan gora errepikatzeko Beran izango da

Plaiaundi Hendaiarekin lotuko duen bidegorria ere, aurki egokituko dutela segurtatu du Irungo EAJk

Gazteek ‘KONEKTA’ dezaten zerbitzua abian jarri du Martindozeneak

Trantsizio ekologikoa erraztuko duen laborantxaz ariko dira Baleak elkartean ostegunean

Aitor Elexpuru: "Iazko suteen ondotik, Bidasoaldeko herrien arteko lankidetza azkartu egin da"

Aurrekontu Irekiak ekimenak bi egun hartu ditu eskualdeko herritarren bozkak aurrez-aurre biltzeko



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies