Podcast

Ane Bayo: "Gustatuko litzaidake etxean geratzen diren emakume horiek, korrika egiten hasteko tartea ateratzea, osasuntsu bizi eta ahalduntzeko"

Ane Bayo, proiektuaren sortzailea


Ane Bayo: "Gustatuko litzaidake etxean geratzen diren emakume horiek, korrika egiten hasteko tartea ateratzea, osasuntsu bizi eta ahalduntzeko"

Hondarribiko Emeki elkartearen eskutik, Ane Bayok emakumeei korrika egiten hasi, eta euren burua zaintzeaz gain, jarduera fisikoak eskaintzen duen autozaintzarako eta ahalduntzeko aukera eskaini nahi die Bidasoaldeko emakume guztiei. Atletismoan eta arraunketan eskarmentu handiko kirolaria izanki, Jarduera Fisikoa eta Kirolen Zientzian graduatua da Gasteizen. Eta herrira bueltan, dakien guztia emakumeen faboretan eskaini nahi du.

Urtarrilan hasi ziren proiektu berri honekin, eta korrika egiten hasteko helburuarekin, astelehenetan eta asteazkenetan bi entrenamendu talde antolatu ditu dagoeneko, norbere maila eta baldintza fisikoari egokituta.

Izan ere, herri lasterketen modatik eta kirolaren lehia bizia alboratuta, jarduera fisikoa osasuntsu bizitzeko tresna dela irakatsi nahi du. "Gustatuko litzaidake etxean geratzen diren emakume horiek, pentsatzen dutenak ezin izango dutela korrika egin edo denborarik ez dutela diotenak, tartetxoa atera eta beraientzat zein ona den konturatzeko aukera ematea", dio konbentzituta. Euren burua korrika egiten irudikatzen ez duten emakume guztiei deialdia luzatu die. Izan ere, osasuntsu egoteaz gain, taldean korri egiteak sozializatzeok aukera ematen du ere. "Bakarrik korrika egitera ateratzea oso zaila da, eta kostatzen du. Kasu honetan egoera beretsuan dauden beste emakume batzuekin bidelagun talde polita osatzen ari gara", azaltzen du Bayok. Izan ere, asteko bi entreamenduez gain, mendira joateko edo poteatzera joateko ere geratzen dira asteburuetan.

Ane Bayorekin harremanetan jartzeko Emeki elkartearen facebook orrialdean dituzue xehetasun guztiak.

Últimas noticias

Grebari bost hilabetez eutsi behar izan diote garbitzaileek, ISSk negoziazioari bide emateko

Emakume errepublikarrek kartzela frankistetan bizitako umiliazioak Oiasson ikusgai

Txingudiko Badia dragatuko dute Hendaian, Bidasoak aspaldiko urteetan metatutako loietaz libratzeko

Euskaraldia hedatzeko auzoetara luzatuko dute deia Hondarribian

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies