Podcast

Beste 17 greba egun egingo dituzte Hondarribiko garbitzaileek

Xabier Etxaniz, ELA sindikatua


Beste 17 greba egun egingo dituzte Hondarribiko garbitzaileek

“Entzun Txomin! Garbiketa zuk in!”, “Aberastasuna banatu, hitzarmena sinatu” edota “Azpi-kontrata, Azpi-Pirata” lelopeko pankartak herriko bazterretan irakur daitezke Hondarribian egunotan.

Gaur hirugarren greba eguna bete dute udal bulego eta ikastetxeetako garbitzaileek, eta bai ISS enpresak, baita honi zerbitzua esleitua dion Hondarribiko Udalak ere, ez dute negoziazioetan langileek eskatzen dituzten gutxieneko hobekuntzak eskaintzeko asmorik agertu. Hala, hirugarren greba egun honetan Loraitz haur eskolaren aurrean goizez, eta Alde Zaharrean arratsaldez mobilizatu dira. Baina ez dira hor geratuko. ELA sindikatuko Xabier Etxanizek gaur jakitera eman digunez, 17 greba egun gehiago deitu dituzte maiatzaren 18tik ekainaren 3 arte.

Udal ordezkariek jakitera eman dietenez, udala prest da enpresarekin azpikontratazio kontratuaren baldintzak betetzen ote diren aztertzeko. Baina 2011 urteaz geroztik berritu gabe duten lan hitzarmen kolektiboaren eztabaidan ez dago sartzeko prest. Gogoan hartu behar baita, joan den asteko udalbatzan Abotsanitz udal taldeak aurkeztutako garbitzaileen lan baldintzak hobetzeko eskaera mozioa atzera bota zuen EAJko udal gobernuak. "Intentzio deklarazio argi bat da", dio Etxanizek, "baina bide politikoa bat da, gure aldetik argi dugu Hondarribiko Udala indartsua dela ekonomikoki, eta borondatea badu azkar bete ditzakeela gure eskaerak, eta desaktibatuko genituzke greba deialdiak".

Aldarrikapenak lau dira berez. Lan hitzarmen kolektiboa berritzea ez ezik, 21 langileetatik 17k bizi duten lan partzialtasunak dakarren prekarietatearekin amaitzea ere. Eta kaleko garbitzaileekin alderatuta pairatzen duten soldata arrakala parezkatzeko, datozen lau urteetan soldatak KPI + %3,4 igoera onar dezatela.

Bestalde, udal bulego, liburutegi zein ikastetxeetako garbitzaileak udal zerbitzuak zabalik mantentzeko esentzialak diren heinean, "azpikontratazioaren hautu politikoa baztertu" eta langile publiko bilakatzeko beharra ere aldarrikatzen dute.

 

Últimas noticias

Grebari bost hilabetez eutsi behar izan diote garbitzaileek, ISSk negoziazioari bide emateko

Emakume errepublikarrek kartzela frankistetan bizitako umiliazioak Oiasson ikusgai

Txingudiko Badia dragatuko dute Hendaian, Bidasoak aspaldiko urteetan metatutako loietaz libratzeko

Euskaraldia hedatzeko auzoetara luzatuko dute deia Hondarribian

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies