Podcast

Bi aste legorrean eman eta gero, mendebalera alde egin duen berdelaren bila berrekin diote arrantzaleek koxterari

Eugenio Elduayen, Gipuzkoako Kofradien Federazioko presidentea


Bi aste legorrean eman eta gero, mendebalera alde egin duen berdelaren bila berrekin diote arrantzaleek koxterari

Garraiolarien greba zela eta, bi aste legorrean eman eta gero, Hondarribiko arrantzaleek berdela eta antxuaren kanpainari berrekin diote. Halere, denbora tarte horretan sasoiak aurrera egin ahala migrazioan doan arraina mugitu egin da, eta dagoeneko hurbileko harrapaketak galdu egin dituztela esan digute Done Pedro Itsasgizonen Kofradian. Izan ere, atzo Bilbotik mendebaldera jo behar izan zuten berdelaren bila. Eta dagoeneko Kantabriaraino egin behar dute gehienek, Santoñan edota San Vicente de la Barqueran deskargatuz.

Antxuaren kanpaina ekaina bitartean luzatuko dute, baina berdelarekin nekez agortu ahal izango dute kuota. Eta ez da espero zen bezain errentagarria izango. Batetik, urrutirago jo beharko dutelako Kantabria eta Asturiaseko portuetan deskargatuz. Eta bestetik, erregaien garestitzeak zailtasunak sakondu dituelako.

Eugenio Elduayen, Gipuzkoako Kofradien Federazioko presidentearekin hitzegin dugu. Eta Espainiako Gobernuak adostu duen erregaien 20 xentimoko merketzea ez dela aski izango aitortu digu. Horregatik, gaur eta bihar artean, dirulaguntza eta mikro-kredito biguinak negoziatuko dituzte arrantzaleek Madrilgo Gobernuarekin. Halere, laguntza zuzenak lehenesten dituzte. Elduayenen arabera, “gobernuak proposatzen dituen mailegu merkeak ez dira soluzioa, dagoeneko estu dabilenak nekez segurtatu dezakeelako kreditua itzuliko duenik”.

 

Últimas noticias

Emakume errepublikarrek kartzela frankistetan bizitako umiliazioak Oiasson ikusgai

Txingudiko Badia dragatuko dute Hendaian, Bidasoak aspaldiko urteetan metatutako loietaz libratzeko

Euskaraldia hedatzeko auzoetara luzatuko dute deia Hondarribian

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da

Larreaundi-Olaberriako auzo bizi-giroa indartzeko eginahaletan



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies