Podcast

Biriatuko Ikastolak punta-puntako bertso saioa antolatu du, txikitasunetik handi amesten jarraitzeko

Brais Perez, Biriatuko Ikastolako gurasoa


Biriatuko Ikastolak punta-puntako bertso saioa antolatu du, txikitasunetik handi amesten jarraitzeko

15 familik osatzen dute Biriatuko Ikastolaren eskola komunitatea, eta lan handiak hartzen dituzte proiektua aitzinatzeko alor guzietan. Baina haien txikitasunetik ("ttipiak amets handi" lema dute euren ikur) Biriatu euskalduntzeko helburuarekin tematu ziren iada duela zazpi urte. Hiru familiatako 5 ikaslerekin hasi ziren orduan Hendaiako Gure Ikastolarekin partaidetzan, eta Biriatuko herriko etxearen laguntza handirik gabe. Baina ibilbide labur honetan 21 ikasle izatera iragan dira, eta ikastolaren egoitza ttipi geratu zaie. Hirierdian dagoen Frantxa-Baita etxean baitaude hastapenetik, eta hau ezin da handitu.

Brais Perez gurasoak aipatu digunez, herriko etxean egun den gobernu berriarekin harremanetan dira, eta egoitza berri bat atxemaiteko lanetan ari dira. Baina begiz jota duten egoitza ikastola bilakatzeko obra handiak egin beharko dira, eta pandemia denboran ikastola sustengatzeko ekintza gutti egin ondoan, aurrekoetan antolatu ohi izan duten goi mailako bertso saioa berreskuratu dute, dirua bildu eta Biriatuko herrian euskara hutsezko eskaintza kulturala aberasten jarraitzeko.

Maiatzaren 14an, arratsaldeko 17:30etan, Biriatuko plazan (eguraldia ona bada edo elizan euria egiten badu) Euskal Herriko bost bertsolari ezagun gonbidatu dituzte taulagainera: Maialen Lujanbio, Andoni Egaña, Amets Arzallus, Maialen Arzalluz eta Nerea Ibarzabal.

Txartelak 10 eurotan eskura daitezke bertan edo Biriatuko Ikastolarekin harremanetan sartuz biriatukoikastola@gmail.com Haurrak kitorik sar daitezke. Saioaren ondotik, pintxoak eta zintzurbustitze animatua proposatuko dute ikastolako gurasoek prestatua.

Brais Perez, Biriatuko Ikastolako gurasoarekin mintzatu gira.

 

Últimas noticias

‘Gure Zirkua’-k Hondarribian bildutako arrakasta Bidasoan gora errepikatzeko Beran izango da

Plaiaundi Hendaiarekin lotuko duen bidegorria ere, aurki egokituko dutela segurtatu du Irungo EAJk

Gazteek ‘KONEKTA’ dezaten zerbitzua abian jarri du Martindozeneak

Trantsizio ekologikoa erraztuko duen laborantxaz ariko dira Baleak elkartean ostegunean

Aitor Elexpuru: "Iazko suteen ondotik, Bidasoaldeko herrien arteko lankidetza azkartu egin da"

Aurrekontu Irekiak ekimenak bi egun hartu ditu eskualdeko herritarren bozkak aurrez-aurre biltzeko



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies