Podcast

Garbitzaileen lan gatazkaren negoziazioa abiapuntura itzuli da grebaldia hasi eta hilabetera

Xabier Etxaniz, ELAko ordezkaria


Garbitzaileen lan gatazkaren negoziazioa abiapuntura itzuli da grebaldia hasi eta hilabetera

Maiatzaren 18az geroztik greban, atzo (ekainak 14) lortu zuten ISS azpikontratako udal garbitzaileen ordezkariek Txomin Sagarzazu Hondarribiko alkatearekin aurreneko aldiz biltzea. Halere, "greba bertan behera uzteko arrazoirik ez dago" Xabier Etxaniz ELAko ordezkariaren arabera. Eta beraz "tinko" eutsiko diote ekainaren 30a arte deitua duten grebari, baita mobilizazioei ere. Eta aterabiderik atxeman ezean, greba mugimendua udan luzatuko dute, eta irailan ikasturte berrian mugagabe bilakatzeko arriskuaz ohartarazi dute.

Izan ere, atzoko bileran udalak ISS azpikontrata enpresarekin negoziatzeko erantzun die. "Negoziaketa hiruen artean eman beharko litzake, enpresarekin bizpahiru aldiz bildu baikara hilabeteotan, eta udalak haiengana bideratzen digute", kexu da Etxaniz, "halere, alkateak aitortu digu lan hitzarmena zaharkitua dagoela, eta berritu beharra dagoela". Hortaz, aurrerapauso "txiki-txikia" eman dela nabarmendu du sindikatuak. Halere, lan gatazkaren negoziaketaren eszenatokia "hasierako kasilara itzuli" delakoan daude.

Anartean, herritarren 900 sinadura bildu dituzte, eta hondarribitarren sustengua eskertzen dute 21 emakume langile hauek. Halere, Bordari, Satarka ikastexteetan eta Loraitz haurreskolan, euren greba eskubidea zanpatua dela salatu dute. Izan ere, zerbitzu minimoak agindu zizkien Eusko Jaurlaritzak baina garbitzaileak iritsi orduko hainbat gune garbituak topatu ohi dituzte, edo haien lana oztopatua. Eusko Jaurlaritzak inspekzio bat egin zuen joan den ekainaren 10ean egoera zein zen ikusteko. Txosten horren esperoan dira salaketa aurkezteko.

 

Últimas noticias

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da

Larreaundi-Olaberriako auzo bizi-giroa indartzeko eginahaletan

HAPOa onartu arte baserritarrek aroaren baitan jarraitu beharko dute azoka egunetan

Ehun hitzetan izua sortzeko deia luzatu du Blagan-ek

Amute-Kosta auzo elkartea ez dago konforme errepide zaharraren proiektuarekin



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies