Podcast

Itsasoa Ficoban sartuko du asteburuan A Babor azoka nautikoak

Maialen Gaztañaga, Ficobako azoken arduraduna


Itsasoa Ficoban sartuko du asteburuan A Babor azoka nautikoak

Hondarribiko Kirol Kaian aurkeztu dute heldu den asteburuan (apirilaren 1etik 3ra) Ficoban ospatuko den ‘A Babor’ azoka. «Itsasoa Gara» lelopean, lehendabiziko aldia da sektore nautikoa, itsas-kirol jarduerak eta arloko turismo eskaintza biltzen duen azoka hau antolatzen dutela. Eta Ficoban bada ere, Hondarribian aurkeztu izanak logika handia duela nabarmendu du Txomin Sagarzazu alkateak. «Hondarribiak itsasoarekin duen lotura kontuan hartuta, bertako itsas-jarduera ekonomikoari bultzaldia emateko aukera paregabea» dela gaineratuz.

Maialen Gaztañaga, Ficobako azoken arduradunak esplikatu digunez, itsas jarduerari lotutako 43 enpresa izango dira azokan, turismo nautikoa, itsas-kirolak, produktu eta zerbitzuak eskaintzeko. Erakusketarien%68a gipuzkoarra bada ere, Frantziako enpresen artean interes handia piztu du (%15a), eta Madril, Bartzelona, Valentziatik ere datoz. Azokan bertan, 30 itsasontzi bertatik bertara ikusteko aukera ere emango dute.

Baina azoka bat baino gehiago da. Albaola Itsas Faktoriak edota Elcano fundazioak ere parte hartuko du Elkanoren munduaren lehen zirkunabigazioaren 500 urteak ospatzen ari diren honetan. Gainera adituen eskutik mintzaldiak ere izango dira alderdi dibulgatiboa osatzeko, jasangarritasuna eta itsasoak zaintzeko beharrari buruz, edota metereologia zein nabigazioan goi mailako adituen hitzaldiak ere. Haien artean, 35.000 milia nabigatu dituen ‘Allende los Mares’ blogaren sortzailea, Laura Gonzalvo. Aita Mari dokumentala ere proiektatuko dute. Eta egitaraua borobiltzeko haurrentzako tailerrak eta Iker Laurobaren kontzertua izango da larunbatean.

Azokara sarrera eta Ficobako aparkalekua urririk.

 

Últimas noticias

‘Gure Zirkua’-k Hondarribian bildutako arrakasta Bidasoan gora errepikatzeko Beran izango da

Plaiaundi Hendaiarekin lotuko duen bidegorria ere, aurki egokituko dutela segurtatu du Irungo EAJk

Gazteek ‘KONEKTA’ dezaten zerbitzua abian jarri du Martindozeneak

Trantsizio ekologikoa erraztuko duen laborantxaz ariko dira Baleak elkartean ostegunean

Aitor Elexpuru: "Iazko suteen ondotik, Bidasoaldeko herrien arteko lankidetza azkartu egin da"

Aurrekontu Irekiak ekimenak bi egun hartu ditu eskualdeko herritarren bozkak aurrez-aurre biltzeko



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies