Podcast

Jaizkibel babesteko deia luzatu du Eguzkik, bere baitan gordetzen dituen altxorrak nabarmenduz

Karlos Murua, Eguzki talde ekologistako kidea


Jaizkibel babesteko deia luzatu du Eguzkik, bere baitan gordetzen dituen altxorrak nabarmenduz

Arma Plazako erakusketarekin batera, EHUko aditu batekin hitzaldia, itsaslabarra ezagutzeko itsas-ateraldia eta eskolartekoentzat mendi-irteerak antolatu dituzte Jaizkibelgo Kontserbazio Bereziko Eremua eta bere altxorrak ezagutara emateko.

Eguzki talde ekologistak 'Jaizkibelgo Altxorrak' proiektua aurkeztu zuen joan den ostiralean Hondarribiko Arma Plazan. Horri lotutako erakusketa bisita daiteke egunotan bertan, baina horri lotutako sentsibilizaziorako hitzorduak dira proiektua osatzen dutenak. Karlos Murua, Eguzki taldeko kideak esplikatu digunez, "Jaizkibel eremu babestua den heinean, flora eta faunaren dibertsitatea eta mehatxuak ez ezik, mendiak bere baitan gordetzen dituen lanbideak eta historia geologikoa barneratzen du proiektuak".

Gogoan hartu beharbaita Natura 2000 Sarearen baitan kontserbazio bereziko eremu gisa babestutako mendia dela Jaizkibel, eta ekosistema desberdinek osatzen dutela ingurunea, itsaslaberratik hasi, basoguneetara eta larreetaraino.

Haur eta helduentzako jarduerak

Datozen bi asteotan, Ama Guadalupekoa, Egiluze eta Talaiako ikasleekin mendi ateraldiak antolatuko dituzte Jaizkibelgo Altxorrak ezagutzeko. Datozen bi astearte eta ostegunetan.

Ipuin kontalariak ere izango dira Arma Plazan urriaren 19 honetan, eta helduak sentsibilizatzeko, aldiz, urriaren 28an (19:00etan) "Jaizkibelgo arkaitzek kontatu nahi digutena" hitzaldia emango du EHUko Jose Maria Hernandez adituak. Era berean, Jaizkibelgo itsaslabarra itsasotik ezagutu eta aztertzeko grina duen ororentzat, katamaran batean itsas-ateraldia antolatu dute urriaren 29an 11:30etan Benta Zaharretik abiatuta. Izen-emateak Arma Plazako Interpretazio Zentroan bertan egin beharra dago.

Últimas noticias

Alardearen erronkak Irungo V. Berdintasun Planean ezinbestean txertatu behar direla esan du Emakundek

Hendaia-Baiona arteko korridore seguruak aldarrikatuko dituzte larunbatean Pausun

'Hondamendia' dator Hondarribira kontsumo gizarteari buruz hausnartzeko

Erretreten erreformak geldiarazteko borrokan indarrak biltzen hasi dira mugaz gaindi

Iaz jaiotako 95 hondarribitarren ametzak martxoaren 18an landatuko dituzte

Komunitatea eraikitzeko tresna gisa baliatzen ari da euskara Dunboa eskola publikoa



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies