Podcast

Koldo Susperregi (taxista): «20 xentimo merketu dute erregaia, baina preziotan? Manipulatzen dituzte, adarra jotzen gaituzte»

Koldo Susperregi, taxista


Koldo Susperregi (taxista): «20 xentimo merketu dute erregaia, baina preziotan? Manipulatzen dituzte, adarra jotzen gaituzte»

Gaur sartu da indarrean Espainiako gobernuak gasolindegiekin negoziatu duen erregaien 20 xentimoko merketzea. Kontsumitzaile guztiei aplikatu zaie beherapena, betiere, gasolindegiko panoan markatuko duen prezioari ordaintzerako garaian aplikatuz. Halere, erregaia eguneroko ogia duten profesionalak ez dira fido. Garraiolariek gasolio profesionala baliatzen duten bitartean, eta hiru asteko greba mugimenduak bertan behera uztea erabaki duten bitartean, taxistek aldiz «eskuak lotuak» dituztela kexu da Koldo Susperregi, Pasaian ari den taxista irundarra.

Zerbitzua eskaintzeko lizentziagatik dirutza ordaindu ondotik, taxista orok bere udalak markatutako tarifekin autonomo gisa lan egiten duela nabarmentzen du, eta beraz, erregaien garestitzea euren patrikatik ordaintzen dute osoki. «Pandemia garaian geldirik egon gara, lanera baino etxetik ateratzeagatik aritzen ginen, eta orain erregaien prezioa azken kolpea da», dio. Izan ere, pandemia bete-betean erregaia euro bat baino merkeago ordaindu izan dela oroitarazten du, eta orain 1,80/1,90 euro artean dagoenez, 20 xentimoko merketzeak ez du ezertarako balio bere ustetan. «Zein prezioetan egingo dute deskontua? Eta merketu baino lehen gehiago garestituko al dute?», galdetzen du Susperregik «leheno lana zegoenean 10 ordutan egiten genuen kaja lortzeko, orain 17 ordu egin behar ditugu taxian».

Eskualdeko taxista guztiak eguneroko lana dute gasolindegirik merkeena eta prezioen gorabeherak aztertzea xentimoak aurrezteko. Eta gasoilaren garestitzea ez ezik, taxiek kontrol zorrotzak pasa behar dituzte aldirika suposatzen duten gastuarekin. Taximetroa prezintatua dutela dio, eta udalak tarifak aldatzen dituen bakoitzean 84 euro ordaindu behar dute tekniko batek hau egokitzeko. «Halere, azken bi urteotan tarifak aldatu gabe egon eta gero, orain xentimo batzuk besterik ez dituzte hobetu».

Koldo Susperregi, taxista irundarrarekin mintzatu gara.

 

Últimas noticias

‘Gure Zirkua’-k Hondarribian bildutako arrakasta Bidasoan gora errepikatzeko Beran izango da

Plaiaundi Hendaiarekin lotuko duen bidegorria ere, aurki egokituko dutela segurtatu du Irungo EAJk

Gazteek ‘KONEKTA’ dezaten zerbitzua abian jarri du Martindozeneak

Trantsizio ekologikoa erraztuko duen laborantxaz ariko dira Baleak elkartean ostegunean

Aitor Elexpuru: "Iazko suteen ondotik, Bidasoaldeko herrien arteko lankidetza azkartu egin da"

Aurrekontu Irekiak ekimenak bi egun hartu ditu eskualdeko herritarren bozkak aurrez-aurre biltzeko



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies