Podcast

Lore eskaintza bateratua mugaz gaindi, gerla, terrorismo zein migrazioaren biktima ororen omenez

Lore eskaintza bateratua mugaz gaindi, gerla, terrorismo zein migrazioaren biktima ororen omenez

3.000 ukrainarri harrera egiteko plana ondu du Eusko Jaurlaritzak. Eta bi egoera aurreikusi dituzte, irits daitezkeen iheslari kopuruaren arabera. Dauden baliabideak «indartu» eta «gehitzea» adostu dute. Plana behin-behinekoa da, eta martxoaren 31ra arte iraunen du.

Hau eta ukrainar errefuxiatuei ez ezik, hilabetero eskualdea zeharkatzen duten ehunka migranteei harrera politikaz jardun dute Irungo Arretxe Gainan dagoen Gordailu zentroan antolatutako Erakundeen Arteko Mahaian. Bertan bildu dira Eusko Jaurlaritza, Gipuzkoako Foru Aldundia, Irun eta Hondarribiko Udaletako eta sozial arloko hainbat erakundeetako ordezkariak. Baita lehen aldiz ere, Iparraldeko Euskal Herri Elkargoa ere.

Iñigo Urkullu lehendakariak gonbidatu du Jean Rene Etxegarai, Iparraldeko Euskal Herri Elkargoko lehendakaria, aurretik, goizeko 10:00etan Irun eta Hendaia arteko Avenida Zubian egindako lore-eskaintzan. Gerlako ukrainar biktimak, errefuxiatuak, terorrismoaren biktimak eta Bidasoa ibaian itotako afrikar jatorriko migranteak ere omendu dituzte. Etxegarai ere lankidetzarako eta koordinaziorako prest azaldu da. Egunotan Donibane Lohitzune eta Hendaiako tren geltokira heltzen ari diren ukrainar errefuxiatuak Irunera bideratu behar baitituzte.

Gaurko bisitan, Gordailu aldamenean dagoen 150 plazako ukrainar errefuxiatuentzako harrera gune berria, baita migranteentzako Gurutze Gorriak kudeatzen duen aterpetxera bisita egin dute agintariek.

 

Últimas noticias

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da

Larreaundi-Olaberriako auzo bizi-giroa indartzeko eginahaletan

HAPOa onartu arte baserritarrek aroaren baitan jarraitu beharko dute azoka egunetan

Ehun hitzetan izua sortzeko deia luzatu du Blagan-ek

Amute-Kosta auzo elkartea ez dago konforme errepide zaharraren proiektuarekin



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies