Podcast

Migrazioaz gogoetatzeko eta zubiak eraikitzeko deia luzatu du Vallekas-ek Lakaxita gaztetxean larunbatean

Alaine eta Mikele, Lakaxita gaztetxeko kideak


Migrazioaz gogoetatzeko eta zubiak eraikitzeko deia luzatu du Vallekas-ek Lakaxita gaztetxean larunbatean

Urtarrilean hiru lapurreta jasan ondoan, Lakaxita gaztetxea berriz ere martxan jartzea lortu du gazte asanbladak. Eta apirilaren 2an Irungo Moskuko eta Madrilgo Vallekas-eko hainbat eragilek elkarlanean antolatutako egun osoko egitaraua dugu horren irudiko. Herrien artean zubiak eraikitzeko helburuarekin, Vallekas-etik jasotako elkartasun keinua eskertu du gazte asanbladak. Eta «Behin Itsasoa izan zena Amildegia da» izenburuko egun osoko programazioa antolatu dute horrela. Lakaxitako kideek azaldu digutenez, “Vallekas-eko eragileek proposatutako ekimena izan da, Lakaxita sustengatu nahian”.

Ondo pasatzeko ez ezik, hausnarketarako helburu aldarrikatzailea ere badu egitarauak. Espreski, migrazio politikek Europako atakan eta Mediterraneo itsasoan eragiten dituen heriotzak salatzeko. Hala, hitzordua larunbatean eguerdiko 12.00etan hasiko da, Aitamari eta Sea Watch itsas-erreskate taldeko kideen solasaldi batekin. Eta ‘Inor Ez Da Ilegala’ argazki erakusketa ere izango da ikusgai.

Bazkari herrikoia antolatu dute 14:30etan, Lakaxitako hastapeneko urteetako bejeta tailerra ohoratuz menu %100 begetarianoarekin. Eta ondoren bakarrizketak, kontzertuak eta DJ saioak izango dira berandu arte.

Alaine eta Mikele, Lakaxita gaztetxeko kideekin hitzegin dugu.

OHARRA: Kontzertuetarako txartelak 3 eurotan gaztetxean bertan eros daitezke, eta bazkarirako 8 euroko erreserba Depor eta Silver Whale tabernetan egin daiteke.

 

Últimas noticias

Grebari bost hilabetez eutsi behar izan diote garbitzaileek, ISSk negoziazioari bide emateko

Emakume errepublikarrek kartzela frankistetan bizitako umiliazioak Oiasson ikusgai

Txingudiko Badia dragatuko dute Hendaian, Bidasoak aspaldiko urteetan metatutako loietaz libratzeko

Euskaraldia hedatzeko auzoetara luzatuko dute deia Hondarribian

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies