Podcast

Muga harresi bilakatzen hasia da migratzaile askorentzat

Josune Mendigutxia, Harrera Sareko kidea


Muga harresi bilakatzen hasia da migratzaile askorentzat

Gaur 44 migratzaile iritsi dira Irunera. Haien artean bost emakume gazte eta hiru haur txiki. Azken hilabeteotan migranteen fluxua erdira apaldu bada ere, berriz ere in crescendo doala ohartarazi du Irungo Harrera Sareak. Josu Mendigutxiak esplikatu digunez, Melillako hesia gainditu dutenetako asko ari dira Irunera heltzen egunotan. Baina udako sasoiak ere badu bere eragina. "Kanariar uharteetan udako turismo denboraldia dator, eta migrantez garbitu behar dituztenez, hasi da berriz fluxua azkartzen", dio Mendigutxiak. Eta gauza berbera gertatzen ari omen da Balear Uharteetatik datoztenekin. Izan ere, Aljeriatik Penintsulara sartzen ari diren migranteak ere identifikatu dituzte.

Nolanahi ere, Harrera Sareak argi du migratzaileek "lehenago ala beranduago" Frantziarako bidea segitzea lortzen duela. Aldiz, kopuruak handitzen diren heinean Bidasoa ibaian istripuren bat geratzeko aukera ere emendatzen da. Izan ere, azken egunotan mugetako kontrolak nabarmen zorroztu ditu frantses poliziak. Biriatun ere frantses militarren presentzia nabaria da, eta gaur bertan Guardia Zibila helikopteroz aritu da Bidasoa ibaia inork trebeskatzen ote duen airetik kontrolatzen. "Muga inoiz baino harresiago bilakatzen ari dira migranteentzako, eta horrek bide geroz eta arriskutsuagoak hartzera behartzen ditu".

 

Últimas noticias

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies