Podcast

Mugazgaindiko enpresen fakturazioa 660 milioi eurokoa izan zen iaz, desoreka handiarekin

Maite Varela, MylMugan-eko aholkularia


Mugazgaindiko enpresen fakturazioa 660 milioi eurokoa izan zen iaz, desoreka handiarekin

Hegoaldeko enpresek zailtasun gutxiago dituzte Iparraldean aritzeko, eta 430 milioi euro fakturatu dituzte, Iparraldeko entrepresek arazo administratibo gehiago topatzen dituzten bitartean. 

Bidasoaz bi aldeetako enpresen arteko hartu-emana eta mugazgaindiko jarduera ekonomikoa bultzatu nahian dabiltza erakunde publikoak. Euskadi-Akitania-Nafarroaren arteko hainbat proiektu badira horri begira, baina hiru administrazioen araudiak desberdinak izanik, enpresek ez dituzte arau-joko berberak Bidasoaz gaindi jauzia ematerako garaian.

Hala eta guztiz ere, iaz 660 milioi euroko fakturazioa egin zuten Ipar zein Hego Euskal Herriko enpresek mugazgaindiko lanetan. Haatik, Ipar Euskal Herriko enpresek hegoaldean ezartzeko zailtasun administratiboak dituzten bitartean, aldrebesko norantzan arazo handirik gabe ari dira lanean. Horrela, hegoaldeko enpresek gorago aipatutako kopuruetatik 430 milioi euro fakturatu zuten. Maite Varelak, 'Mylmugan' mugazgaindiko aholakularitza zerbitzuko arduradunak azaldu digunez, araudiak desberdinak izateaz gain, enpresei egiten zaizkien kontrolak ere ez dira zorroztasun maila berekoak. Eta badira hainbat enpresa ere, ez dituztenak baldintza guztiak betetzen.

Errealitate honi buruzko xehetasunak eman dizkigu, bere bulegoa Ficoban kokatua duen MylMuganeko aholkulariak.

Últimas noticias

Alardearen erronkak Irungo V. Berdintasun Planean ezinbestean txertatu behar direla esan du Emakundek

Hendaia-Baiona arteko korridore seguruak aldarrikatuko dituzte larunbatean Pausun

'Hondamendia' dator Hondarribira kontsumo gizarteari buruz hausnartzeko

Erretreten erreformak geldiarazteko borrokan indarrak biltzen hasi dira mugaz gaindi

Iaz jaiotako 95 hondarribitarren ametzak martxoaren 18an landatuko dituzte

Komunitatea eraikitzeko tresna gisa baliatzen ari da euskara Dunboa eskola publikoa



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies