Podcast

Ospitaleko proiektu berria adosteko mahaia eratzea eskatu du Osasun Bidasoak Eusko Legebiltzarrean

Ibai Labaien, Osasun Bidasoa plataformakidea


Ospitaleko proiektu berria adosteko mahaia eratzea eskatu du Osasun Bidasoak Eusko Legebiltzarrean

Osasun Bidasoa Plataformak hitza hartu du goiz honetan Eusko Legebiltzarreko Osasun Batzordean. Euren aldarrikapenen berri eman ahal izan dute plataformako bi kidek, baina ez dira bakarrik egon. Plataformak autobusa antolatu baitu Bera eta Irundik Gasteizera, kanpoaldean ere euren aldarrikapenak entzunak izan daitezen.

Ibai Labaien, Osasun Bidasoa plataformakidearekin mintzatu gara bidaiatu aurretik. Eta Gotzone Sagarduy Osasun Sailburuak Bidasoa Ospitalea berritzeko proiektua bertan behera utzi izana "positiboki" baloratu izanagatik ere, proiektu berriari buruz informaziorik ez dutelako kezkatua agertu da. "Une erabakigarrian gaude, eta ospitalearen proiektu berria zein izango den jakin nahi genuke, ez dadila izan aurrekoa bezala, partxe bat", dio Labaienek. Zentzu honetan, plataformak eta osasun langileek hastapenetik aldarrikatu duten bezala, Bidasoa ospitalea berritu eta hobetzeaz gain, handitu beharra dagoela oroitarazi diote Eusko Jaurlaritzari legebiltzarrean. "Epe ertainera Oarsoaldeari ere zerbitzu emango omen diola esan zaie osasun langileei, baina hau baieztatu gabe badago ere, dagoeneko ospitalea txiki eta zahar geratu da, aldamenean lurzorua badago espazio berriak eraikitzeko", dio. Eta beraz, beste eskualde batzuetan herritarren beharrak 30 urtera begira aintzat hartu dituzten moduan, tratu beretsua galdegiten diote Osakidetzari.

Horretarako, "hutsetik hasiko omen duten proiektua" adosteko mahaia eratu dezatela eskatzen dute, kirujia blokeko profesionalen, herritar eta eragileen zein tokiko agintarien partehartzea bermatuko duena.

 

Últimas noticias

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da

Larreaundi-Olaberriako auzo bizi-giroa indartzeko eginahaletan

HAPOa onartu arte baserritarrek aroaren baitan jarraitu beharko dute azoka egunetan

Ehun hitzetan izua sortzeko deia luzatu du Blagan-ek

Amute-Kosta auzo elkartea ez dago konforme errepide zaharraren proiektuarekin



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies