Podcast

Portua proiektuaren lapsus laburra harriduraz hartu du Balaztak, baina alternatibak proposatuko ditu (2021-10-15 13:02:48)

Portua proiektuaren lapsus laburra harriduraz hartu du Balaztak, baina alternatibak proposatuko ditu

Hondarribian, gaur arratsaldeko 18:00etan Hiri Antolamendu Plan Orokorraren aurrerapena aztertu eta herritarrekin partekatzeko bigarren tailerra antolatu du Udalak Itsas Etxean. Mugikortasuna izango dute hizpide, etorkizuneko hiri ereduaren diseinuan.

Portua proiektuak ekarri duen eztabaida sutsuaren ondotik dator hau. Baita Udalak atzera egin eta neurriak arindu ondotik, astebeteko epean Mugikortasun Mahaian proiektua argitu bitartean ireki duen "parentesia" eta gero. Udalak iragarri du Portua auzokoari buruzko monografikoa izango dela azaroaren 3an deitu duten Mugikortasun Mahaia eragileekin.

Partehartzea giltzarri 

Partaide aktiboa da Balazta bizikletaren aldeko elkartea. Izan ere, mugikortasun jasangarria geratzeko iritsi dela ulertzen dute, baina aldaketak adostuta hartu behar direla sinistuta daude. Horregatik, Portua proiektuarekin gertatutakoaz harridura adierazi dute. Herritarren haserrea ulertzen dute, eurek ere neurrien fondoarekin baino, erabakitako formekin ez baitaude ados. "Kosta kaleko proiektua auzokideekin prozesu partehartzaile bat abiatu genuen duela hiru aste, eta horren ondoren ulergaitza da Portuan egun batetik bestera egindako aldaketa. Guk ez genekien ezer", kexu da Kote Guevara, Balaztako kidea.

Dena dela, Portua proiektuan bizikleta duen lekuarekin ere ez dira ados. Butroi pasealekuan txirrindak debekatzea "astakeria" dela deritzo, eta segurtasuna bermatzeko, Mendelun bezala, bide nagusietan aparteko bidegorria ezinbestekotzat jotzen badute ere, oinezko eta txirrindaren arteko bizikidetza bilatu behar dela aitortzen du Balaztak herriko gainerako lekuetan. Baina horretarako "pedagogia eta formakuntza ikastaroak" egin beharko lituzke Udalak. Era berean, "atzerapen handiarekin doan" herri-busaren proiektua murrizketak ezarri aurretik eskaini beharreko alternatiba dela ulertzen dute.  

Últimas noticias

Indartzen doan beganismoaren irudiko izango da asteburuan ‘Be Veggie’ azoka Ficoban

Wallmapu elkarteak Elias Garay maputxearen erailketa salatzeko elgarreratzea deitu du Irunen

Irundarren eta migranteen premiak begiz jota ditu EH Bilduk 2022rako

Irun gabonetako hiriburu bilakatzeko eginahaletan

Agian Zu Ere Atzegizalea Zara eta Ez Dakizu

Egunero denda batean opari banarekin prestatuko dute ‘Gabonaldia Hondarribian’



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies