Podcast

Uda lehor eta beroak sagar uzta urriagoa ekarri du, baina zapore handikoa

Iñaki Bengoetxea, OLA sagardotegiko nagusia


Uda lehor eta beroak sagar uzta urriagoa ekarri du, baina zapore handikoa

Uzta eskaxagoa baina alkohol graduazio altuagoko sagardoa izango da datorrena. OLA sagardotegian lehen sagar muztioa biltzen hasi dira tolarean. 

Ola sagardotegian 20. Sagar Eguna ospatuko dute larunbatean (Irailak 24). Horretarako egitarau oparoa prestatu dute. Arratsaldeko 17.00etatik aurrera: sagar erakusketa, sagar dastaketa, zizarra eta pittarraren probaketa, erromeria eta animazioa izanen da besteak beste. Iñaki Bengoetxea, OLA sagardotegiko nagusiak dioenez, "jendeak ez dio behar garrantzia ematen lehen sagar muztioa probatzeari, baina edonork ez du aukera tolaretik atera berria probatzeko".

Meaka auzoko Arantzateko lurretan, Ola sagardotegiak 3.000 sagarrondotik gora dituzte, eta euskal sagar sormarkarekin (ekologikoa) lan egiten dutelarik, ekoizpena segurtatzeko, auzoko Etxezabal edo Aranburu baserrikoak, Hondarribia eta Zarauzko euskal sagarra ere biltzen dute.

Aurtengo uzta biltzen eta tolarean estutzen hasiak dira. Eta uda oso lehorra eta beroa izan denez, horrek uztaren kopuru eta kalitatean eragin zuzena izango du. Bengoetxeak azaldu digunez, “iazko uzta oparoa izan zen, eta zuhaitzak nekatu egin zituen. Eta aurten lehorteak ekoizpen gutxiago eta sagarrak txikiagoak izatea eragin du”. Halere, horrek azukre kontzentrazio handiagoa ekarri du, eta beraz, datorren neguko sagardoak alkohol graduazio handiagokoa izango dela iragarri digu Olako nagusiak. “Tentuz edan beharko da zentzu horretan, baina zapore handikoa izango da, kontzentratuagoa”, argitu du.

Últimas noticias

Kepa Ordoki elkarteak "Pequeña velocidad" esparrua Memoria Demokratikoaren gune izendatzea eskatu du Ministroen Kontseiluan

Giza eskubideen astea Irunen

Ostomila txontxongilo taldea Boliviako nazioarteko festibalean

Elefante txuriaren Erromatar desfile handia Iruñean

Intxaurra antzezlana eskainiko dute Lesakan larunbatean

Bertso taldekako txapelketa ospatuko da larunbatean Beran eta Lesakan



Este sitio web utiliza cookies para optimizar tu navegación y realizar labores analíticas. Para desactivarlas puedes configurar adecuadamente tu navegador. Si continúas navegando consideramos que aceptas su uso. Puedes obtener más información en nuestra Política de Cookies. Política de Cookies