"ESKOLA ZABORRA UDALAREN ARDURA" lelopean ehunka lagun bildu zituen ostiralean, Talaia eskolako guraso elkarteak deituriko manifestazioan. Udaletxe aurrean bukatu zen mobilizazioa, ikasleek "Garbitu, gure eskola!" aldarrikapenekin eta "'Udala mugiri!" eskatuz.

Mobilizatzera behartuak ikusi direla aitortu ziguten gurasoek, eta eskoletan pilatzen doan zikinkeriaren ondorioz, haien seme-alaba zein irakasleen osasunarekin kezkaturik daudela. ISS azpikontratako garbiltzaileen aldarrikapenak zilegiak direla ulertzen dute, eta "hau ez dela haien errua" diote. Horregatik, udalari langileek euren lanpostuetara ahal bezain pronto baldintza duinetan lanera itzuli ahal izateko urratsak eman ditzala eskatu diote. Kezka, ezinegona eta amorrua adierazi nahi izan zuen hezkuntza komunitate osoak, guraso eta ikasleez gain, hainbat irakasle ere bildu baitziren bertan.