Podcast

Agintaldi honetan euskararen erabilera hobetzeko oinarri sendoak jarri dituztelakoan da Irungo Udala

Miren Etxebeste, Irungo Udaleko Euskara arloko ordezkaria


Agintaldi honetan euskararen erabilera hobetzeko oinarri sendoak jarri dituztelakoan da Irungo Udala

Udaleko arlo guztien eta euskararen aldeko eragile guztien arteko elkarlana beharrezkoa dela aitortu du Miren Etxebestek, Euskara arloko ordezkariak. Baina euskararen erabilera sustatzeko eta herritarren hizkuntza eskubideak bermatzeko lantzen diharduten ildo estrategikoetan sakontzen ari direlakoan dago. 2018-2022 Euskara Normalizazio Planari esker, euskaraz dakiten langileek udaletxe barruan euskaraz egin dezaten helburua betetzen ari direla nabarmendu du. Eta udal zerbitzuen kasuan, "jubilatzeko atarian dauden langile zenbaitzuk izan ezik" orohar irundarren hizkuntza eskubideak bermatuak daudela segurtatu du. Halere, udaltzainen lanpostuetako hizkuntz eskakizunari buruzko epaiarekin kezkaturik azaldu da Etxebeste.

Nolanahi ere, euskararen erabilera emendatuko bada Irunen, udalak abian jar ditzazkeen ekimenek ez ezik, kirol, kultur eta aisialdi eragileen konpromisotik lortuko dela sinistuta dago. Zentzu horretan, agintaldi honetan abian jarritako ekimenen artean, Kalean Bai planaren biziberritzea giltzarri jotzen du Elgarrekin Ahal Duguko hautetsiak. 25 urtetik beherako gazteekin lan egiten duten elkarteekin "haien euskalduntze eta gaitasun mailaren araberako hiru abiadurako konpromisoak hitzartu" dituzte. Eta helburua da, Kalean Bai komunitatea eratzea, elkarteen arteko saretzea bultzatu eta haien eskutik jarduera horiek euskaraz egin daitezkeela erakustea, zerbitzuen katalogo bat ere sortuz.

Bestalde, eta euskara praktikan egunerokoan sustatzeko ekimenetan Haurrak Parkean programa ere nabarmendu du Etxebestek. Izenik eman gabe, parkeak erabiltzen dituzten haurrei zuzenduta begirale euskaldunen eskutik jarduerak antolatzen baitituzte. "Euskarak konpromisoa eskatzen du, baina elkarteei formakuntza eskaini behar zaien bezala, euskaraz aritzeo guneak sortu eta amua bota behar da ere", azpimarratzen du. Eta horretan ari direla segurtatu du, euskararen olatura ahal bezain bat irundar gehien batzeko estrategiak bilatzen.

Miren Etxebeste, Irungo Udaleko Euskara arloko ordezkaria Antxeta Irratian izan da xehetasunak eskaintzeko.

 

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika