Goienerreko teknikarien eskutik, “Faktura elektrikoa murrizten” izeneko tailerra eginen dute Beran datorren ortzegunean, martxoaren 16an. Beralandetan izanen da hitzordua, 19:00etan.

Argiaren faktura hobeki ulertzeko eta murrizten saiatzeko ikastaroa emanen dute Goienerreko teknikariek Beran. Herrian egin nahi den Energia Berriztagarrien Komunitate sortzeko lehen urratsa da tailer hau. Komunitateak energia ereduari buruz hausnartu eta burujabetza energetikorantz joatea du helburu eta hau ezagutarazteko solasaldia ere eginen dute datorren martxoaren 30ean.