Podcast

Aste erabakigarria Hondarribiko garbitzaileen gatazka argitzeko

Txomin Sagarzazu, Hondarribiako alkatea


Aste erabakigarria Hondarribiko garbitzaileen gatazka argitzeko

Udala eta ISS enpresaren arteko eskuhartzea izan ezik, gatazkaren gainerako alde guztien arteko bilkurak egingo dituzte aste honetan, eskoletako osasun-baldintza kaxkarrekin kezkaturik, aterabide bat bilatu nahian.  

Hondarribiko garbitzaileen grebaren gatazkari aterabide bat bilatzeko prozesua azkartzen ari da. Momentuz, aurrerapauso handirik gabe. Baina aste erabakigarria izango da honakoa. Udal Gobernu Taldeak (EAJ) berriz dio beharrezkoa dela ISS enpresak eta grebari eusten dioten 13 garbitzaileek hitzarmena eguneratzeko akordio batetara heltzea. Baina Txomin Sagarzazu alkateak berretsi egin du udalak ez duela negoziazioan eskuhartzerik. Halere, azken asteetan alkateak berak enpresako ordezkariei akordio hitzartu batera iristeko, eta beraien lan baldintzei buruz hitzarmena eguneratzeko negoziazioei eusteko eskatu die.

Era berean, udal gobernuak ongi daki osasun baldintzak ez direla bermatzen ari eskoletan. Alkateak dioenez, txosten bat ere egina du ikuskaritzak, eta horrexeagatik ere, “udalari dagokion eskumenetan, Satarka eta Loraitzen zerbitzu minimoen barruan, pixoialak bildu ahal izateko” helegitea aurkeztu dute zerbitzu minimoen eskaeran.

Bilera erronda

Anartean, gauzak mugitzen hasiak dira ezker-eskuin. Gaur, astelehena irailak 19an ELAko ordezkari sindikalarekin bildu da udala, eta asteazkenean Talaia eskolako irakaslego eta Guraso Elkartearekin. Jakinik, tartean, irailak 20ean laugarren aldiz bilduko direla Donostiako PRECOn langile eta enpresa ordezkariak. Hirugarren bilera dute irailaren 8az geroztik.

Bien bitartean, Loraitz haurreskolan, eta Talaiako Satarka, Biteri eta Bordari eskoletan garbiketa zerbitzu minimoekin jarraitzen dute. Eta gurasoek deituta, heldu den ostiralean manifestazioa deitu dute 17:00etan Biteri eskolatik abiatuta. Eta Judas Arrieta artista hondarribitarrak eginiko logo bat ere plazaratu dute abiatu duten borrokaren ikur.

Azken berriak

Euskaraldia hedatzeko auzoetara luzatuko dute deia Hondarribian

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da

Larreaundi-Olaberriako auzo bizi-giroa indartzeko eginahaletan

HAPOa onartu arte baserritarrek aroaren baitan jarraitu beharko dute azoka egunetan

Ehun hitzetan izua sortzeko deia luzatu du Blagan-ek



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika