Berriak

Gaur arratsaldean dute hitzordua, eta bilerara joateko deia egin du udalak.

Uztaialren lehena arte Lapurdi, Gipuzkoa eta Nafarroa arteko muga pasabideek itxita jarraituko dute. Egoera honek zenbaterainoko kalteak eragin ditu? Euskadi, Nafarroa eta Akitania berria osatzen duten euroeskualdeak, egoeraren diagnostikoa egiteko helburuarekin inkesta bat abiatu du Euroeskualdearen bulegoak.

Martxoan konfinamendu osoa ezarri zutenean, gainerako herritar guziak bezala, trantsitoan ziren migranteek ere agindua betetzera behartuak izan ziren. Irunen, Ospitale Zaharreko ZUBIA zentroan eta herriko etxeak salbuespen gisa aktibatu behar izan zuen Martindozenea aterpetxean ere, orotara 50 lagun inguru ziren eskualdean une hartan. EMAUS erakundeko gizarte langileen esku egon dira konfinaturik.

Maddi Ane Txoperena bertsolari, idazle eta kazetariak bere lehen elaberria plazaratu berri du : « Ene baitan bizi da » izenekoa.

Indarkeria matxista kasuen dinamika gorakorraren aurrean kexkaturik agertu da Abotsanitz herri batzarra. Eusko Jaurlaritzako Segurtasun Sailak plazaratu berri dituen 2019ko datuen arabera, indarkeria matxistari lotutako 40 kasu eman ziren herrian, aurreko urtekoekin alderatuta %45 emendatuz. Eta sexu erasoei dagokienean, hiruzkoiztu egin da Ertzaintzak jasotako salaketa kopurua.

Betti Gottik olinpiadak eta jai ezberdin batzuk proposatu ditu sanmartzialetarako, Koadrilen Egun handia ahal denerako atzeratuz

Jaizkibel konpainiak, Hondarribiko herriak gauzak beste molde batez egiteko eta erabakitzeko aukera galtzen ari dela uste du.

Bi hilabete pasa dira mugetako pasabide gehienak itxiak direla. Egoera honek, lapurdin erresidentzia duten hego euskal herriko ehundaka herritarren egunerokoan eragina du. Lanerako soilik egin daitezke joan etorriak, senide, lagunak edota bestelako gauzetarako ezinezkoa da muga pasatzea.

5G teknologien garapena eta teknologia horren zabalkundea zihurtzeko antenak eta azpiegiturak zer esan handia piztu dute. 5Gak osasunari eragin diezazkiokeen ustezko kalteak eta eritasunen inguruko galdera ugari sortzen ditu. Sare sozialetan eta whatssap taldeetan, 5G teknologia eta COVID 19 lotzen dituen teoriak zabaltzen ari dira. Adituek berriz, ez dute inolako arrazoi zientifikorik aurkitu.

Artiako Lagunak, auzo taldeak ingurumenaren nazioarteko eguna ospatuko du larunbata hontan. Hitzordu honetarako, ekintza sinboliko bat proposatu dute. Irungo udalak mozteko asmoa duen zuhaitz ilararen aurrean, « elkartasun zuhaitza » landatuko dute.

Irungo Ficoban urtean zehar antolatu ohi diren azoken artean garrantzitsuenetakoa da Bioterra. Iaz 12.462 bisitari eta 160 erakusketari bildu zituen. Eta produktu ekologikoen, bioeraikuntzaren, energia berriztagarrien eta kontsumo arduratsuan, finean, sektore berdean erreferentziazko azoka da arku atlantikoan. Baina pandemiaren ondorioz, hitzordua udazkenera atzeratzera behartuak ikusi dira. Eta Instagram bidez, asteburu honetan hainbat hitzordu proposatuko dituzte hutsunea bete nahian. Halere, ez da Ficobak bertan behera utzi behar izan duen hitzordu bakarra. Bertako arduradunarekin hitz egin dugu

Hondarribiko oposizioko udal taldeek egoera ekonomiko eta sanitarioaren aurrean, herritarrak laguntzeko ahalegin handiagoa egin dezala galdegin diote udal gobernuari. Hondarribiko herriko etxeak urtetik urtera gastatzen duena baino gehiago biltzen duenez, aurten 22 miliun euroko urteko baurrekontuaren aldean, urtez-urte erabili gabeko 54 miliun euroko soberakinak pilatuak edo aurreztuak ditu. Hortaz, Abotsanitz udal taldeak koronabirusak eragin duen lurrikara sozial eta ekonomikoa ikusirik, administrazioaren maxina (makinaria) %100ean martxan jartzea galdegin du, kontratazio publikoari dagokionez ere. Koldo Nausia lankidea, Igor Enparanekin mintzatu da, eta esplikatu dioenez, Hondarribiko udalak dirua soberan, eta langileak faltan dituela.

3 hilabetez itxita egon ondoren, Pausuko Xaia ostatuak ateak ireki ditu. Xaia ostatuak aurten 100 urte betetzen ditu eta ospakizun horren karietara egitarau zabal bat antolatua zuten.

Pandemia ondoko aurreneko herriko kontseilua ospatu zuen Irungo herriko etxeak joan den ostiralean. Eta iragarri bezala, COVID19aren pandemiak eragindako beharrak asetzeko hainbat neurri fiskal hartu zituzten ahobatez. Udal aktualitatearen berri emango digu Koldo Nausiak datozen minutuetan, baita eskualdeko kiroletako azken ordukoen berri ere, pixkanaka berraktibatzeko bidea hartzen baitoaz kirolariak ere

Hondarribian bereziki, turismoaren sektorekoak dira herriko 3 lanpostuetatik bat. Eta beraz, pandemiaren hastapenean Aste Santuko kanpaina galdu ondotik, udako sasoia minimoki ondo joatea ezinbestekoa dute ehunka lanpostu segurtatzeko. Hotelak, akanpalekuak eta nekazal-turismoak, ostatu eta jatetxeak, turistentzako bisita gidatuak edota itsas-ibilaldiak eta ur-kiroletako enpresek asko dute jokoan.

Terrazen eta barreneko mahaien erdia zerbitzatzeko baimena dute. Baina batetik, bezeroen kutsatzeko beldurrak, eta bestetik, mementuko inguruko lurraldeetako bisitaririk ez dagoenez, nekez hartu ahal izanen dute ohiko martxa.

Hendaia biltzenek, Kotte Ecenarroren taldearekin eginiko akordioa onartzea deliberatu du. Talde abertzaleak egindako eskaera guztiak onartua izan dira, hortaz adostutako akordioarekin pozik,agertu dira. Aitor Errazkin lankideak, Letizia Navarron, Hendaia Biltzen taldeko zerrendaburuarekin hitzegin du

Bidasoa eskualdeko “Gure esku” herri ekimenak, “hemen erabaki, herritarrok erabaki” ekimenaren baitan mobilizazio berri bat deitu du. Bizi dugun eta datorren krisiari Euskal Herritik erantzun bat emateko helburuarekin, “tokiko erabaki burujabeak” aldarrikatuko dituzte. Ekimena, ekainak 7 igandearekin iragango da.