Berriak

Gazteak eta sare sozialen loturak ustez sortzen dituen aurreiritzi anitz apurtu ditu ikerketak. Ciberbullying eta halako arriskuetatik haratago, gazteak arduratsuak dira, eta defentsa mekanismo aski garatu dituzte. Gipuzkoa eta Lapurdiko 15-16 urteko 1.200 gazterekin inkestak, elkarrizketak eta eztabaida taldeak egin dituzte unibertsitateko KoLaborategia-ko ikerlariek, ahal bezainbeste testigantza biltzeko.

Bidasoko Gazte Koordinadora Sozialistak (GKS) larunbatean elkarretaratzea deitu du San Juan plazan, arratsaldeko 18:00etan. "Osasun-hondamendiaren eta askatasunen ezabapenaren aurrean, burgesiaren ofentsiba gelditu" lemapean, pandemiaren aitzakipean botere ekonomikoek hartu dituzten neurrien interes ekonomikoak, eta herritar eta langilegoaren eskubideen murrizketa salatu nahi dute.

Otsailak 13an, Torturaren Aurkako Eguna dela probestuko dute, EHUaren baitan eta Pako Etxeberriak egin azterketen datuak eskuetan, Euskal Herrian 5.657 tortura kasu frogatuak, eta horietatik 71 irundarrengan eman direla salatzeko.

Zaldunborda Gainan, Higertoki enpresak abiatuak zituen Hondarribia Village makro-outletaren eraikuntzarako prestaketa lanetan, hainbat lur eta hondakin mugimendu egin zituen 2019an zehar. Haiekin muino bat egin zuen eta urte hartako abenduan Abotsanitzek salatu zuen luizi baten ondorioz, erreka kutsatu egin zen. Orduz geroztik, oposizioak Zaldunbordako zabortegian izandako luizia ezkutatu izana leporatu dio Udalari.

Iraila urrun bada ere, San Ferminak dagoeneko bertan behera utziko dituztela ikusirik, Hondarribiko Udal Gobernu jeltzaleak argi du 2021eko Hondarribiko Jaiak ez direla ohikoak izango. Horregatik, aurten ohiko 404.000 euroko aurrekontu partida mantentzea erabaki dutela esplikatu digu alkateak, ahal den neurrian jaiak ospatzeko helburuarekin.

Bestalde, N121a errepideko radarrak martxan jartzeko punttuan daude eta bat Beran jarriko dute.

Auzoan konpondu beharreko arazoak pilatzen ari dire diote, eta horrez gain iazko uztailan erregistratutako eskaerak ez du oraindik ere Udalaren erantzunik jaso.

Momentuz, hiru hitzordu proposatu dituzte gai zehatzak eztabaidatzeko. Martxoaren 11n, Emakumeen Etxearen kudeaketa ereduaz jardungo dute, martxoaren 18an etxearen erabilerak zeintzuk izango diren zehaztu, eta martxoaren 25ean, egoitzaren ekipamenduak zeintzuk behar duten aztertu. Denal online eta atsaldeko 17:30etan.

Aldarrikapenarekin bat egin nahi duen orok, bizikletan jartzeko matrikula moduko txapa aldarrikatzaileak salgai jarri dituzte bi eurotan eskualdeko txirrinda tailer eta denda guztietan. Dena dela, elkartea ez da geldirik egoten, eta aldarrikapen eraikitzaileak egiteko helburuarekin, pandemia hasi zenez geroztik Irun eta Hondarribiko kaleetan egindako bigarren neurketa baten emaitzen berri eman du.

Ez denak, zenbait ostalarik nahiago izan baitute intzidentzia tasa pixkat gehiago apaltzea, eta berrikeritzeak dakarren gastua segurtatzea. Halere, Euskadiko Auzitegi Gorenak duela ordu erdi jakinarazi duenez, gune laranaja izan ala gorria, berdin izango da bihartik aurrera. Ostalariek aurkeztutako helegitea onartu baitute epaileek, eta gune gorrian izanagatik Eusko Jaurlaritzak ostalariei ixteko emandako agindua bertan behera utzi du.

Irungo herriak euskararen eta kulturaren topagune berri bat ukan dezan, Ziztaka taldea osatu da pandemia bete-betean. Udazkenean Eztena lelopeko zirikatze kanpainan, KulturA, eusKAra eta elKArgunea hitzak baliatu zituzten. Denak K eta A hizkiez osaturik, KAFE ANTZOKIA gogora ekarri nahian.

Joan den ostiralean PSE-Elgarrekin POdemos-Ezker Anitza Irungo gobernu koalizio berriak, 2023 arteko gobernu plana onartu zuen. Ez Ohiko Udalbatza luze eta gatazkatsu baten ondotik, gobernuak ez zuen kontrako bozkarik jaso

Adimen artifiziala euskarazko hedabideetan sustatzeko helburuarekin HERALDABIDE egitasmoa aurkeztu dute. Elhuyar fundazioak laguntza teknikoa eskeintzen du eta berria,hamaika telebIsta, kanaldude eta antxeta irratian garatuko da.

Lehenengoak izan zuen arrakastaren ondotik, non 30 euskara eragile eta herritar baino gehiago bildu ziren, oraingoan, aurrera begira egin nahi dugun bideari buruz hitz egingo dugu.

Hendaiako Kaneta auzoan ezezagun batzuk, pasarela bat eraikitzen ari den ETCHART enpresaren aldagelak eta tresnak biltzeko lekua erre dute. Gertakaria, astelehen gauean iragan zen, inor ez da zauritua izan baina kalte materialak eragin ditu. Gertakari honek, “Ederbidea” mugazgaindiko proiektuaren baitan eraikitzen ari diren bizikleta sarearen inguruko eztabaida aktualitatera ekarri du. Izan ere, Hendaia eta Irun arteko lotura oraindik ez da amaitua. Bidea eraikitzeko, Hendaiako Kaneta auzoan pasarela bat eraiki behar dute, bidegorriari segida emateko Kaneta Portura igo gabe. Pasarela hori, bidean diren etxe batzuen ondotik eraiki behar dute, eta bereziki Pierre Lothiren etxearen aurretik, ibai bazterrean. Horrek bizilagun batzuen haserrea piztu du. Hainbeste, afera auzitara eraman dutela, eta otsailaren 18an aurkeztu duten errekurtsoa aztertuko da.

Espigoiaren aldameneko Mariñelen Itsasbidean, bi kaleko banku ortzadarraren koloreekin margotu ditu. Eta Fenomena Elkarteak antolatuta LGTBYQ+ jardunaldia ospatuko dute igande honetan Itsas Etxean. Oraingo honetan, ekainaren 28ko harrotasun egunetik aldenduta bultzatu nahi izan dute kolektibo honen gizarteratzea.

Hendaian, aldiz, aurreneko aldiz bere historian, Herriko Etxeak aurrekontu partehartzaileak izango ditu 2021 hontan. Herriko Etxeak 200.000 euro bideratuko ditu herritarrek proposatu ditzazketen ekimenak gauzatzeko. Eta proiektu bakoitzak gehienez jota 50.000 eurorekin diruztatu ahalko da. 9 urtetik gorako herritar orok, kolektibo eta elkartek aukera izango du otsailaren 15etik martxoaren 21era prozesu honetan partehartzeko.