Berriak

Hurrengo astean herria utziko duten monjei omenaldia egin diete San Jose zahar etxean

oct, 2020

Lizuniagako40. igoerarik ez da eginen aurten.Gure Txokoa elkarteak bertan behiti utzi du aurtengo proba.

Ostalaritza saila oso kezkatua neurri berriekin

oct, 2020

Gipuzkoako 20 udalerri COVID semaforo gorria markatua dute, 14 egunetan 100.000 biztanleko 500ndik gorako intzidentzia-tasarekin. Aldiz, lehen olatuan bezala, Behe Bidasoa eskualdean arinago jotzen ari bada ere, azkar egin du gora azken egunetan positiboen kopuruak. Eta euskal gobernuak agindu dituen ostatuen ordutegi berriak ez dituzte bertan bete beharrik oraindik. Baina ostalariak kezkatuak daude, eta beti ikusmiran seinalatuak egonagatik haserre.

Udal tasa eta zergak izoztea, ez da nahiko Abotsanitzen ustetan

oct, 2020 Udal tasa eta zergak izoztea, ez da nahiko Abotsanitzen ustetan

Joan den astean Hondarribiko Udal Gobernuak heldu den urteko udal tasa eta zergak bere horretan mantentzeko asmoa agertu zuen. Txomin Sagarzazuk esan zigunez, familia ugarientzat hobari berriak izango dira ibilgailuen gaineko zergan, eta diru-iturrien arabera, behar handiena duten herritarrentzat, etxearen higiezinen zergan edo IBI delakoan ere. Oposiziotik, aldiz, Abotsanitzek ez du aski ahalegin ikusten inpostuak izoztearekin.

Udalak sortu dituen bertako kontsumo bonoak "eskasak" dira Irungo EAJren aburuz

oct, 2020 Udalak sortu dituen bertako kontsumo bonoak "eskasak" dira Irungo EAJren aburuz

Pandemiaren ondorioz aurrez-aurreko harremanak behar dituzten sektore ekonomikoak izan dira kaltetuenak. Haien artean ostalaritza eta komertzioa. Eta Irun hiriaren ekonomia horretan oinarrituta dagoenez, herriko etxeak laguntza egitasmo bat abian jarri du. Baina eraginkorra izan ote den ala ez, eztabaida ekarri du.

Hondarribiko Udal Liburutegia San Pedro kalera eramango dute larunbatean

oct, 2020

Urriaren 24ean Liburutegien Nazioarteko Eguna ospatzen dela probestuko dute, pandemiaren oztopo guzien gaindi, liburutegiak bizirik eta martxan daudela aldarrikatzeko. Segurtasun neurri guztiak hartuta, ohiko zerbitzua eskaintzen ari da Zuloaga Etxeak. Baina eLiburutegi zerbitzuko liburu digitalen maileguak %25 emendatu badira ere, liburutegiek suposatzen zuten topagunea, ez da hala pandemiaren ondorioz.

14 egunez esperoan

oct, 2020

COVID 19aren eragina moteltzeko asmoz, Nafarroako Gobernuak neurri zorrotzak ezarri ditu. Hauen artean Nafarroako sartze-ateratzeak itxi egin dituzte gaur, eta Endarlatsan kontrolak ezarriz. Eta Ipar Euskal Herriko mugak aldiz irekiak egongo dira, atzerriko mugak Espainiar Estatuko eskumena direlako. Halere, mugetako Ibardineko jatetxe eta ostatuak itxi egin dituzte. Nafarroa osoan 14 egunez ez baita ostalaritza zerbitzurik izango.

Gizarte segurantzaren bulegoan eguneroko arreta eskatzeko sinadura bilketa jarri da abian eskualdean.

oct, 2020

Berako gizarte segurantzaren bulegoan eguneroko arreta eskatzeko sinadura bilketa jarri da abian eskualdean.

II.mundu gerran deportatuei buruzko erakusketa ikusgai dago Berako Kultur etxean

oct, 2020

Eta horrez gainera, Berako san jose zahar etxean erizain bila ari dira

Asier Suberbiola lasartearrak irabazi du estreinako Iñigo Muguruza beka

oct, 2020

8.000 euroko laguntza jasoko du irundarraren abestiak abiapuntu duen ikerketa lan baten egiteko. Iñigo Muguruzak euskal musikari egindako ekarpen itzela balioan ezarri nahi du bekak, eta belaunaldi berirei haren legatua gerturatzeko ikerketak sustatu nahi ditu.

Agintaldi Plana ezkutatzea leporatu dio Abotsanitzek alkateari

oct, 2020

Hamasei hilabete iragan dira udal hauteskundeen emaitzei esker, Txomin Sagarzazu alkatetza postuan eta EAJ udal gobernuan berretsiak izan zirela. Eta joan den martxoan, legez publiko egin beharra duten Agintaldi Plana plazaratuko zutela iragarri bazuen ere, oraindik ere ez dituzte lau urte hauetarako konpromisoak eta helburuak gizarteratu.

Urruñan, 100 egun bete ditu Filipe Aramendik auzapez.

oct, 2020

Eta agintaldiaren itxura ematen hasia du. Jadanik lehen hiru hilabeteetako bilana egin du, bere helburuak mantentzen dituela argi uzteko. Eta horretan, etxebizitza edo bizitegi sozialen arloan, badu lana urruñarrak. Legeak agintzen duena baino nabarmen esakxagoa baita eskaintza soziala. Baina hutsunea betetzen joanen dela hitz eman du.

Jabier Muguruzak 'Geltokiak izarretara' diskoa aurkeztuko du Irunen

oct, 2020

Hitzordua, hilaren 25ean amaia kultur zentroan iragango da. Kontzertuan euskal musikaren klasikoen bertsioak joko ditu Muguruzak, hamabost euskal kantari adierazgarrienen zerrenda bat moldatu du. Musikariaren alboan Bernardo Atxaga idazlea eta David Gomez, Mikel Artieda, Jean Marie Ecay eta Mikel Azpiroz musikariak izango dira.

Zubi Guztien Gainetik! Mugarik ez! Transnazionalik ez! lelopean 200 emakume bildu ziren larunbata eguerditan Irun eta Hendaia lotzen dituen Avenia Zub

oct, 2020

EHko Emakumeen Munduko Martxak martxoaren 6a bitartean antolatuko dituen ekintzak aurkeztu zituen, Mendebaldeak Hegoaldeko lurralde eta pertsonei eragiten dien bortizkeria agerian utzi nahian.

IZARKOM kooperatibak, Behe Bidasoa eskualde osoan, sare librea bermatzeko azpiegitura prest du

oct, 2020 sare librea izarkom

Dagoeneko landa eremuetako hainbat bizilagunek abiatu dute bidea beraiekin. Honek esan nahi du, eskualdeko landa eremuetan internet sarerako sarbidea ezinezkoa edo oso nekeza bazitzaizun, dagoeneko IZARKOMek martxan jarri duen zerbitzuarekin, arazoa amaitutzat eman dezakezula

Endarlatzatik behobiarainoko errepidean Bortzirietako alkateen kexa

oct, 2020 kexa n121

Honen berriz emanen dizuegu gaur eta horrez gainera, Beratarrak Bardoetako finalean daudela ere aipatuko dugu

“Mugen, Transnazionalen eta Migrazio Politiken aurkako Emakume Martxa” hitzordua deitu du EHkoEmakumeon Mundu Martxak

oct, 2020

Emakumeon Mundu Martxaren lehendabiziko ekintza gisa, migrazioaren irakurketa dekoloniala egin nahi dute kolektibo feministek, bertatik sistema arrazista, kolonial, kapitalista eta heteropatriarkalaren tresna diren transnazionalen eta mugen funtzionamendua ulertu, eta logika horretan erantzukizuna non kokatzen diren hausnartzeko.

Urtebetean 1.175 biddasotar gehiago aurkitzen dira langabezian

oct, 2020

Pandemiaren urteak PCR positiboetaz haratago, bestelako datu kezkagarri batzuk uzten dizkigu. Enpleguaren alorrean zehazki. Bidasoa Bizirik garapen agentziak plazaratu dituen Lanbideren iraila bukaerako datu ofizialen arabera, COVID-19aren krisiak eragin zuzena izan du enplegu estatistiken okertzean.

Hitzaldi zikloa antola du Gaurko Andreak taldeak udazkenerako

oct, 2020

Gaurko Andreak Berdintasunaren Aldeko Elkarteak udazken honetarako antolatu duen hitzaldi zikloaren bigarren saioa hemen dugu jada. Emakume enpresaburuek, profesionalek eta zuzendariek ekonomiari egindako ekarpena balioan jarri nahian, eta Irunen gaur egun dugun egoera ekonomikoa aztertzeko helburua dute.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika