Berriak

Irungo Udalak hiria atondu du heldu den urriaren 20ean Irundik abiatuko den Espainiako Vuelta txirrindularitza lasterketari ongi etorria emateko

oct, 2020

Lasterketaren lehendabiziko 8 kilometroak Irungo hirierditik iragango dira, ibilbide kontrolatu batekin. Izan ere, Gaintxurizketan hasiko da lasterketa ofiziala. Koronabirusa dela eta, jendeak ezingo du Ficobako abiapuntuan egon, baina Udalak bi sarrera VIP banatuko ditu, Twitter eta Instagram sare sozialetan antolatu duen Selfie kanpainaren baitan.

Erietxeetan odol erreserben apaltzea sumatzen ari dira pandemiaren eraginez

oct, 2020 odola eman pandemia

Halere, ospitaleetako presioa arindu egin da egunotan. Dena dela, COVIDa baino larrialdi gehiago badira ospitaleetan. Eta pandemiaren ondorioetako bat izan da, hain justu, larrialdietarako edota hainbat tratamendu kronikoetarako erabiltzen diren odol erreserben apaltze bat.

Irungo Hiri erdiko auzo elkarteak, kalera atera du bere kexa

oct, 2020

2014.urtean sortu zen elkartea, eta geroztik udalak emaniko konprimisoak betetzeko zain daude. 2020.urteko urtarrilaren 15ean diru partida bat eta lokal bat esleitu zieten. Momentuz badirudi ordea, zintzilik dagoela dena.

Kamara frigorifikoa eta granel ontziak erosteko crowfounding kanpaina hasi du Labore Txingudik

oct, 2020

Kontsumo arduratsuko irabazi asmo gabeko elkartea da Labore Txingudi eta urte bete pasa da denda irekitzeko lehen pausoa eman zutenetik. Orain, bigarren pauso bat eman nahi dute, beren granel eskaintza zabalduz, bai eta, hurbileko barazki gehiago eta freskoago eskainiz.

Bioterra azokaren 17. edizioak gaur itxiko ditu ateak

oct, 2020

Aurten lau egunetara luzatu dute azoka bisitariak pilatu ez daitezen. Eta COVID19ari aurregiteko prebentzio neurri guziak ezarri dituzte. Bisitarien tenperatura hartzeko sarreran, eta erakusketa postuen artean 8 metroko tartea. Baina halere, pandemia garaiko lehendabiziko azoka handia da Ficoban.

Fenomena Jaialdia bueltan da!

oct, 2020

Arma Plazan ere dituzue, asteburuko Fenomena Jaialdirako kontzertuetarako gonbidapenak. Atzo antolatzaileek baieztatu zigutenez, azkenean Jostaldin aterpetuta antolatzea erabaki dute. 300 lagunentzako lekua izango da kontzertuetan, eta emanaldi bakoitzerako gonbidapen bana beharrezkoa da. Izan ere, larunbata eta igandeko jaialdi hontan, kontzertu bakoitzaren artean ordu eta erdiko tartea hartuko dute dena desinfektatzeko.

Irungo Udalak 4.000 otordu segurtatzeko laguntza zuzena bideratuko du Lesboseko Moria errefuxatu akanpalekura

oct, 2020

Irungo Udalak bere partetik, Kooperazio eta Garapenerako arlotik Zaporeak erakundearen bitartez, Greziako Lesboseko Moria errefuxatu akanpalekuan egunero 4.000 otordu segurtatzeko laguntza zuzena bideratuko du.

Hendaia-Paris gauez egiten zuen trena bi urtez geldirik egon ondotik, berriz ere martxan jartzeko aldarrikatu zuten atzo Baionan CGTko trenbideetako l

oct, 2020

Tren erabiltzaileek, LAB eta Biziko kideek ere bat egin zuten. Parisera joateko ekologikoagoa, praktikoagoa eta herritar askorentzat fabore egiten zuen trena baitzen. Euskal presoen senide eta lagun askorentzako, adibidez, Hendaian gauez trena hartu eta lo egin ondotik, goizean Parisen esnatzeko aukera ematen baitzuen. Frantziako ministroak adierazpen batzuk egin baditu ere, bai CGT bai eskualdeko kontseilariek zalantzan ematen dute trena berriz ere martxan jarriko ote duten. Frantziako beste lekuetan ere egin dira mobilizazio batzuk, kenduak izan diren hainbat trenen berrezartzea galdegiteko.

Alardea telesaila asteazken hontan estreinatzen dute ETB1ean

oct, 2020

4 kapituluz osaturiko mini-telesaila Irungo eta Hondarribiko alardearen inguruan dagoen gatazkan inspiratua da. Zuzendari lanetan David Perez Sañudo aritu da eta aktore lanetan berriz, Itziar Ituño, Klara Badiola, Aizpea Goenaga, Kandido Uranga edo Sara Cozar aritu dira.

Egin gabeko egitasmoen metaketa leporatzen dio oposizioak Txomin Sagarzazuren taldeari

oct, 2020

Abotsanitzek jakinarazi duenez, Hondarribiko Udalak gaur egun altxortegian dituen ia 50 milioi euroko aurrezkiak, aurreikusi eta gerora gauzatzen ez dituen proiektuen bizkarrera bildu du. Espainiako Estatuko 8.200 udalerrietatik egoera ekonomiko saneatuena duen Udala da Hondarribikoa, bi urte eta erdi diru sarrerarik gabe pasatzeko altxortegia baitu. Baina urtez-urte zintzilik uzten dituzten proiektuen ondorioz dela salatu du Abotsanitzek. Horren irudiko, 2017az geroztik berritzeko dagoen Saindua gaztelekua.

Txingudiko Mankomunitateak 2021ean ur-hornidura eta hondakinen bilketari buruzko tasak izoztea erabaki du

oct, 2020

Mankomunitateak %2 emendatuko du bere gastua hondakinen kudeaketan. 20.337 tona hondakin kudeatzetik, 20.500 tonara pasako dela aurrikusi baitute 2021ean. Baina halere, hondakin ekoizle handiei ez ezik, Irun eta Hondarribiko gainerako 40.000 bezero ingururi bere horretan mantenduko zaie zaborren tasa. Eta kontainer marroian, organikoaren bilketa selektiboan izena eman eta minimoak betetzen dituztenei ere, hobaria mantenduko zaie.

Kultura ez eteteko ahaleginetan, Irun

oct, 2020

Udaberriko itxialdian ere, artea eta sorkuntza bultzatu nahian, gaur aurkeztu dituzten hiru ekintza kulturalen emaitzak abian jarri zituzten. Kultura Departamenduak bultzatuta, Jorge Madejonek komikiak sortzeko ikastaro bat eskaini zuen itxialdi garaian, eta Kultura Gure Etxean kimiki book formatuko bilduma bat plazaratu dute. Izan ere, ikastaroa zena, komiki istorioen iturri bilakatu zen, eta horri esker ere, komikiak sortzeko euskarazko lehendabiziko material edo tutorial pedagogikoa sortu dute, irun.eus Udalaren webgunean eskura dagoena.

“Moskun indarkeria polizialik ez” lelopean elgarretaratzea egin dute

oct, 2020

Joan den larunbatean goizeko ordubatean, protokoloen aginduz Moskuko tabernak itxi bezain pronto, Ertzaintzaren 8 patruila Peña kalean sartu ziren, bertan tabernetatik atera berriak ziren gazteen kontra oldartuz. Jipoiak eta ubelduak, adin txikikoak ere baziren gogor jipoitutakoen artean. Eta Ertzaintzakgazte bat atxilotu zuen. ERNE sindikatuaren arabera, aldarrikapen ekintza politiko baten ondorioz ekin zioten horrela. Baina

Sokoako hainbat langileren desadostasuna dibidendoen banaketa dela eta

oct, 2020

Hendaiako SOKOA enpresak egindako azken biltzar nagusian eztabaidatutako gaien artean, dibidendo edo irabazien banaketa bozkatu zuten. Sokoak 2019an, 1.700.000 euroko irabazia izan zuen eta biltzar nagusian hartuako erabakiarekin, akziodunen artean irabazien % 67a banatua izango da. LAB sindikatuak erabaki horren aurka agertu da.

ELA sindikatuak 24 orduko greba eguna deitu du Gipuzkoako erresidentzietan urriaren 6an

oct, 2020 greba adinekoak ELA

Aldatu beharreko zerbitzu publikoen ereduari buruz, adibide garbia dugu adineko edo zaharren egoitzen kasua. Erresidentzietan gogor jo du pandemiak, eta hildako guztien %42a erresidentzietako egoilkiarrak izan dira Gipuzkoan. Baina pandemiak aldez aurretik emandako baldintza kaxkarrak are ageriagoan baizik ez du utzi. Prekarietate hori salatzeko greba mugimendua stand by-an utzi zuten erresidentzietako langileek martxoan, egoerari aurre egin eta burubelarri lan egiteko. Baina gorriak ikusi zituzten orduan, ezustekoan harrapatu baitzigun guztioi.

Zaintza duina aldarrikatu du adinekoen nazioarteko egunean Irungo EHBilduk

oct, 2020

Pandemian kolektiborik hunkituena izan den urtean, Udalak ez ditu adineko irundarrak gogoan hartzeko adierazpen insitituzionalik adostu

Gaita eta atabal ikastaroak antolatu ditu berako udalak

oct, 2020

Horrez gain, "Armi" izeneko erakusketa ireki dute Trini Mikelarena eta Jokin Armanek Berako suspela auzoan

Izan bidea ekimena 2021.urteko maiatzaren 8ra gibelatu dute

sep, 2020

Eguraldiaren iragarpen txarra dela eta, bertan behera utzi behar izan du Sarek larunbateko ekimena eta 2021.urteko maiatzaren 8ko data gordetzeko eskatu du antolakuntzak.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika