Bidasoan Euskaraz bestaren 16. edizioa ostegun hontan hasi eta larunbata arte ospatuko da. Urtero bezala, Urruñako Pausu auzoan izanen da, Xaia ostatua ardatz nagusi hartuta. Bidasoaren bi aldeetako euskaltzaleak biltzea du helburu, eta urtez urte, Hondarribia, Urruña, Irun, Hendaia eta Biriatuko bizilagunak biltzen ditu.

Aurtengo egitaraua, ostegunean goizeko 9etan “Bidasoan Oinez” ibilaldiarekin abiatuko da. Larunbata arte, talo besta, martxoaz geroztik 40 bikotek jokatzen ari diren Bidasoan Euskaraz Pala Txapelketaren finala, kantu afaria eta DjBull-en emanaldia prestatu dute.

Kantu afari eta herri bazkarirako txartelak atxikitzeko: 0547750702 telefono zenbakira deitzea besterik ez duzue, edota Xaia ostatutik pasa lekua erreserbatzeko.