Hondarribiko itsas kirol jarduera eskaintza sektorearen 'Itsasoratu' jardunaldia antolatu dute maiatzaren 14an Kirol Kaian. Bidasoa Bizirik eta Hondarribiko Udalarekin lankidetzan, aisialdi nautikoaren sektorea indartu nahian dabiltza azken urteetan, turismoarentzat suposatzen duen erreklamuaz gain, bidasotarrei eskaintzen dien aukera anitza gizarteratzeko helburuarekin.

Larunbatean azoka baten modura, herriko 11 enpresa bilduko dira, goizeko 11:00etatik 14:00etara eta 17:00etatik 20:00etara. Eta animazio, zozketa eta haurrentzako tailerrekin batera, enpresa bakoitzak bere eskaintzaren berri emateko aukera izango du. Eta nahi duen orok, enpresa bakoitzaren zerbitzuak probatzeko parada izango duelarik. Irteerak egingo dituzte uretako motorretan, kayaketan, SUP modalitatean edota itsas-bela, surf eta kirol-arrantzari buruzkoak ere. Kirol Kaiako ostalariak ere batu dira ekimenera.