Bortxazko lanak Behe Bidasoan
Behe bidasoko errepide eta ubideetan kokatuko gara, azpiegitura hauek, bortxaz, eraiki zuen jendea eta hauei buruzko ikerketak ezagutzen. Jaizkibel mendia itsasaldetik zeharkatzen duen G-3440 errepidea, Gaintxurizketa eta Arkaleko gainak lotzen dituen GI-2134 errepidea, Irun eta Erlaitz lotzen dituen GI-3454 errepidea edota Irungo Ama Xantalen, Korrokoitz eta Santiago auzoa zeharkatzen duen ubidea bortxaz lan egitera behartuak zeuden pertsonek eraiki zituzten. Ikerketen arabera, 8000 langile ibili ziren eraikuntza lanetan. Gipuzkoako Foru Aldundia eta Gogora instituzioa izan dira egitasmoaren babesleak. Eta Ines F. Monje lankideak burutu ditu elkarrizketak.
Podcast
Irungo Marcelo Usabiaga gudariaren semea Miguel, aitaz hitz egin digu
Miguel Usabiaga Irungo Marcelo Usabiaga gudariaren semea da. Gudaria preso zegoela, eskualdeko hainbat errepideetan lan egin zuen. Irun inguruko faxisten beldurraren ondorioz, lekualdatzea eskatu eta Arroako errepidea egitera bidali zuten.
