Podcast

Euskara herria, Harrera herria dela aldarrikatuko dute Kutxa Biraren baitan (2021-04-20 06:50:51)

Euskara herria, Harrera herria dela aldarrikatuko dute Kutxa Biraren baitan

Irunen eta Hondarribian ere "euskaraz bizi nahi duen herri libre bat" direla irudikatzeko, Iparra Hegoa elkarteak proposatutako “Bizi gira...kutxa bira” ekimenarekin bat egin dute. Euskalgintzako eragile eta norbanako andana bat mobilizatu da, martxoaren 20tik maiatzaren 30era bitartean, Argentinatik Segurara 72 herritan kutxa jaso eta amets mezuekin betetzeko.

Eskualdeko ekimenak 

Irunen, apirilaren 20ean (19:00) egingo diote kutxari harrera. Bidasoko AEKk deiturik, eta Irungo Harrera Sareak bat eginik, San Juan plazan mugako hiriaren kulturaniztasuna eta migranteentzako harrera herria dela irudikatuko dute, euskaraz ez ezik, ametsak hizkuntza ezberdinetan idazteko aukera emanez ere.

Hondarribian, apirilaren 21ean izango da. Kasino Zaharrean (euria balitz Soroetako frontoian) ahal bezainbeste jende biltzeko deia luzatu dute 20:00etan. Mugako herria izanik, "Euskara jalgi adi plazara" lelopean, euskararen erabilera mugak izan ezik, generoaren mugak gainditzeko deia luzatzeko probestuko dute ekitaldia.

Guztira, 72 egunez 72 herritatik iragan ondoan, maiatzaren 30ean Segurara iritsiko da Kutxa Bira, baina aurreko egunean gure eskualdean izango dugu berriz ere, Urruñan ekitaldi berezi batekin. 

Azken berriak

Udaltzain oposaketan euskara eskakizuna baliogabetzeko epaia aurrekari arriskutsua dela salatu du Aitzondok

Kultur agendan lehenbailehen berriz egoteko itxaropena du Kemen dantza taldeak

280 migratzaileri muga "ilegalki" gurutzatzen lagundu dituen mugalari bat atxilotu dute Hendaian

2025erako Irungo energiaren eredua eskualde ikuspegitik landu nahiko luke EH Bilduk

Ingurumen-hezkuntzan sakondu nahi du Txinzer-ek haur eta helduekin

Mugako korapiloak bere horretan jarraitzen du Alarma Egoera ezeztatuta ere

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika