Podcast

Festak "norkbere modura" baina arduraz eta errespetuz ospatzeko deia luzatu du Irungo alkateak

Jose Antonio Santano, Irungo alkatea


Festak "norkbere modura" baina arduraz eta errespetuz ospatzeko deia luzatu du Irungo alkateak

Alarde Publikoari udaletxeko balkoian harrera egingo ote dion argitu gabe bada ere, San Pedro eta San Martzial jaien atarian 10 puntuko bandoa plazaratu du gaur Irungo alkateak. Alarde egunari begira hartuko duen erabakiari buruz galdetuta, Jose Antonio Santanok "gero gerokoak, oraindik asko falta da" erantzun du. Eta ospakizunak ahal bezain ondo joan daitezen, arduraz eta errespetuz jokatzeko deia luzatu du. Udalak bere partetik, segurtasun arazoak sahiesteko prebentzio neurri eta protokolo guztiak martxan jarri dituela oroitarazi du.

Hala, Irungo alkateak, COVIDak "hor jarraitzen" duela, baina harekin bizitzen ikasi dugula nabarmendu du, arduraz jokatzea eskatuz. Eta bi urte ondoren "denok ilusioz gozatu ahal izateko" errespetuz aritzea eskatu du, besta egiten dutenen artean ez ezik, baita bestak posible egiten dituzten langileekin eta jaietako programa osatzen duten 140 jardueretako elkarte antolatzaileekin ere. Hamar puntuko mezua izanik ere, bestak bizitzeko moduetaz, eta sexu erasoen aurrean zero tolerantziaren jarrera adierazi nahi izan du denen gainetik.

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika