Podcast

Gazteen abentura gosea asetzeko neurrira egindako udako programa Irunen (2021-06-23 07:13:37)

Gazteen abentura gosea asetzeko neurrira egindako udako programa Irunen

Uda honetan natura eta abentura ateraldiekin gozatzera animatu nahi ditu Udalak Irungo 12 eta 25 urte bitarteko gazteak. Gazteria arloak pandemiari aurregiteko osagarri neurri guztiekin antolatuta, Udagazte eta Konekta Uda programen bitartez, 20 bat jarduera ezberdin proposatuko dizkiete nerabe eta gazteei.

Ane Calvo, Martindozenea gaztelekuko koordinatzaileak azaldu digunez, aurten Udalak udalekuak Irisarriland-en antolatu beharrean, hauek segurtatzeko Martindozeneako aterpetxea eta gaztelekuko instalazioak erabiltzea erabaki duenez, udako aisialdi jarduera programa egokitu egin du gaztelekuak. «Pandemia dela eta, zer hobe aire zabalean eta Irungo zein inguruetako beste hainbat naturgune ezagutu eta gozatzeko aukera baino», nabarmendu du Calvok. Izan ere, Irunen zehar ginkanak, Amuitz istmora bisita, piragua ateraldiak, surfa edota Erlaitzen barbakoa egitea proposatuko die gaztelekuak.

Konekta Uda 

Era berean, 15-18 edota 18-25 urte bitarteko gazteei zuzendutako jarduera bereziak eskainiko dituzte Konekta Uda programaren baitan. Kayak eta snorkel, Bertiz natur parkera eta Sallent de Gallegon tirolina, eskalada, rappel eta multiabentura ateraldiak ere egingo dituzte 16-25 urte artekoentzat. Eta Asexorate programaren laguntzarekin maitasuna eta sexualitate osasuntsuan oinarritutako escape room batekin osatuko dute eskaintza.

Xehetasun guztiak baita izena emateko aukera ere www.irun.org/gazteleku 

Azken berriak

Herritarraren beharrak erdigunean jartzen jarraitzeko akordioetarako prest agertu da EH Bildu Irunen

Hondarribia beste ikuspegi batetik interpretatzeko Argazki Rallya antolatu dute

Aiako Harria, erreferendumaren alde EHa eta Katalunya lotuko dituen ‘Pirinioetako Bidea’-ren lehen harria

Kontigentzia Plana indartu arren, zenbait migrante kalegorrian jarraituko dutela salatu du Harrera Sareak

Arrantzaleen egunean sare konpontzaileak erdigune, eta behin betirako Portu auzoko bihotz-bihotzean ere

2022an Alardea guztiok batera ospatzeko, etenaldia hausnarketarako probestea eskatu du EH Bilduk

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika