Podcast

Genero indarkeria baztertzeko ikuspegi baikorra landu nahi du aurten Asun Casasola Ipuin Lehiaketak

Ainara Lopez, Parean elkarteko kidea


Genero indarkeria baztertzeko ikuspegi baikorra landu nahi du aurten Asun Casasola Ipuin Lehiaketak

Indarkeria matxistarik gabeko jendarte bat irudikatzeko bokazioz duela 9 urte sortutako Asun Casasola Ipuin Lehiaketaren VIII. deialdia luzatu berri du Parean elkarteak. 

Asun Casasolaren "borrokari eta kemenari" aitortza egiten jarraitzeko asmoz, eta hastapeneko helburuetan sakontzeko, 10-16 urte bitarteko gazteei eta helduei zuzendutako euskarazko zein gaztelerazko orrialde bakarreko ipuinak idazteko deia egin dute.

Hainbat nobedade ekartzen ditu aurtengo edizioak. Baina berdintasunaren aldeko jendartea bultzatzea eta genero indarkeria baztertzeko helburuarekin, ikuspuntu positibo bat bilatuko dute aurten, indarkeria matxistaren aurkako borrokaren aldekoa, alegia.

Kategoria bakoitzeko sari bana egongo da. Helduen kategoriako irabazleek 300 euroko sariaz gain, 50 euroko balioa duen liburu pakete bat jasoko dute, Iruñeako Katakrak liburudendaren eskutik. Eta gazteen kategoriako irabazleek 100 euroko saria jasoko dute, eta liburu xorta ere. Hauek feminismoaren inguruko gaiak jorratuko dituzte.

Gogoan izan beraz, otsailak 10a arte ipuinak asuncasasolaipuina@gmail.com posta elektronikoko helbidera bidal daitezkela, eta informazio guztia www.asuncasasolaipuinak.eus webgunean dago eskuragarri.

Bestalde, Azaroak 25a begiz jota, Argoiak elkartearekin elkarlanean, aurreko edizioetako zenbait ipuinen irakurketa musikatua egingo dute datorren asteazkenean, hilaren 23an, 17.00tan, Argoiak elkartearen egoitzan.

Azken berriak

Alardearen erronkak Irungo V. Berdintasun Planean ezinbestean txertatu behar direla esan du Emakundek

Hendaia-Baiona arteko korridore seguruak aldarrikatuko dituzte larunbatean Pausun

'Hondamendia' dator Hondarribira kontsumo gizarteari buruz hausnartzeko

Erretreten erreformak geldiarazteko borrokan indarrak biltzen hasi dira mugaz gaindi

Iaz jaiotako 95 hondarribitarren ametzak martxoaren 18an landatuko dituzte

Komunitatea eraikitzeko tresna gisa baliatzen ari da euskara Dunboa eskola publikoa



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika