Hamarkada bete ostean, apirilaren 22an herri dinamika honen aurkezpenaren lekuko izan zen FICOBAra itzuliko da indarberriturik, nazioarteko konferentzia batekin, eta herriz-herri emandako ‘Itsasargia’ prozesuaren emaitza aurkeztuz.

Gure Eskuk apirilaren 22an burujabetzaren aldeko nazioarteko konferentzia antolatatu du Irungo FICOBAn. Hitzordu honetara, Irlanda, Eskozia, Herri Katalunak, Galiza eta Euskal Herriko hizlariak gonbidatu dituzte parte hartzera. Egun horretan, eguerdiko 12:00etan adierazpen politiko bat egingo dute. Eta horrekin batera bi solasaldi edo mahainguru egongo dira: 10:00etan "Lurralde gatazken konponbidea europako eremuan" izenburupean, eta 12.30etan "Herritarron aktibazioa Europako olatu subiranista berrian". Aurrera begirako hausnarketa prozesu bete-betean aurkitzen da herri dinamika, 10 urteotan gizartea aldatu egin dela aintzat hartuta, eginmoldeak ere eguneratu behar dituztela jakinaren gainean.

Zentzu honetan, aipatutako konferentzia honekin batera, Gure Eskuk azaroaz geroztik abian duen "Itsasargia" eztabaida herritarraren ondorioak aurkeztuko ditu apirilaren 22an.