Podcast

200504 TOKIKO GAIA Antxeta kirola (2020-05-06 07:37:09)


Hego Euskal Herriko deskofinamendua abiatu den hontan, kirolari profesionalek entrenamenduei berrekin ahal izango diete.

Irunen, adibidez, Real Unionek ez daki oraindik nola edota noiz bukatu duen aurtengo sasoia. Klub historiko hau jeitsiera postuetan aurkitzen zen Alarma Egoera indarrean sartu zenean, eta Liga bukatzeko 10 jardunaldi falta direnean, federazioak ez du erabakirik hartu, liga ezeztatu ala bukatu, eta igoerak eta jeitsierak nola banatuko diren ere. Jokalariak ez dira profesionalak, baina gehienak hortaz bizi dira. Baina taldeen egoera ekonomikoa dilindan da, jakinik bertakoak ez diren jokalari askorentzat etxeko alokairua ere ordaintzen dietela adibidez.

Batzuk denboraldi bukaera nola bururatu ezinik, eta beste batzuk, aldiz, udako sasoia abiatu ahalko duten aztertzen ari dira. Arraunketan, adibidez, ekaina bukaeran hasi beharko liratekeen mutilen Euskolabel TKE Liga eta nesken Euskotren Liga osasun agintarien aginduen esperoan dira. Apirilaren 25ean arraun elkarte guziek egindako azken bilkura telematikoan, udan estropada sasoia ospatzeko prest agertu ziren, eta traineru estropadak izango dituen uda bati begira lanean jarraitzen dute.

Arraunlariak ez dira profesionalak, eta entrenamenduak normaltasunez eraman gabe, nekez eraman dezakete aurrera ohiko estropada denboraldi gogorra. Baina liga hasi baino 15 egun lehenago uretan entrenatzearekin konforme egongo lirateke.

Bestalde, Irunen, goi mailako txirrindularitza izanen da aurten. Nazioarteko txirrindularitza proben egutegia behin egokitu ondotik, eta pandemiaren garapenak ahalbidetzen badu, Espainiako Vueltaren lehen etapa Irundik abiatuko da urriaren erditsuan. Bestalde, gaur bertan baieztatu dute eskubaloian, Bidasoa-Irun taldeak Europan jokatzeko txartela eskuratu duela. ASOBAL Liga ezeztatu dute, eta lehen itzuliko hirugarren postua kontuan hartuko dute horretarako. 

Azken berriak

Hondarribiko oposizioko udal taldeek egoera ekonomiko eta sanitarioaren aurrean, herritarrak laguntzeko ahalegin handiagoa egin dezala galdegin diote

Noiz arte?

Deskonfinamendu ezberdina Bidasoaren alde batean eta bestean

Uda berezia aurreikus daiteke

Hondarribia dantzan aurten ere, baina beste gisan

COVID-19aren krisia dela eta Hendaian ospatzekoa zen euskal preso eta iheslarien aldeko “Futbol7” ere txapelketa bertan behera

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika