Podcast

Hendaian biziko diren 16 familia ukrainarrei ongi etorria eman diete herriko etxean

Richard Irazusta, Hendaiako auzapezordea


Hendaian biziko diren 16 familia ukrainarrei ongi etorria eman diete herriko etxean

Gerlatik ihesean hilabete honetan zehar Hendaiara heldu izan diren 240 ukrainar errefuxiatuetatik 53 bertan geratuko dira bizitzen bolada baterako. Orotara 16 familia dira, eta haien artean 21 haur eta gazte. Horiek hala, haiei ongi etorria, eta harrera familia gisa euren burua eskaini duten bolondresei esker ona eman nahi izan die Hendaiako herriko etxeak atzokoan.

Richard Irazusta auzapezordeak aipatu digunez, gerla hasi eta lehen egunetan jasotako errefuxiatu kopuruak nabarmen apaldu dira azken bi asteotan. Halere, herriko etxeak aterpe eta harrera dispositiboa martxan du, eta aktibatu zuenetik, 173 lagunek lo egin dute Beltzeniako Dojoan egokitu duten aterpetxean.

Herriko etxean oso eskertuak daude hendaiarrek agertutako elkartasun uholdearekin. Izan ere, hamarnaka hendaiar hurbildu dira beren bigarren etxebizitza hutsen giltzak entregatzera, eta "laguntza txikienetik handienera" laguntza emaria etengabea izan dela nabarmendu du Irazustak. "Dirua, janaria, frantses klaseak emateko prest direnak, kroisantak gosatlzeko ematen dituen okina edota garbitzeko serbilletak (toallak) behar ziren egun batean ere, 100 jaso genituen goizetik arratsera", oroitarazten du.

Bestalde, errefuxiatuak euren etxeetan jaso dituzten familiek izango dituzten gastu gehigarriak kontuan hartuta, elikagaiak erosteko dirulaguntzak ere eskaini dizkie herriko etxeak.

Richard Irazusta, Hendaiako auzapezordearekin mintzatu gira.

 

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika