Podcast

Hitzegiteko betarik eman ezean, ospitaleko eraberritzea gelditzea jota bat abestuz eskatu diote Urkulluri

Hitzegiteko betarik eman ezean, ospitaleko eraberritzea gelditzea jota bat abestuz eskatu diote Urkulluri

Otsailaren 19an Irungo karriketan milaka lagun bildu zituen manifestazioak ez du Eusko Jaurlaritzaren erantzunik jaso. Eta Iñigo Urkullu lehendakaria gaur Irunen bisitan zegoela probestu du Osasun Bidasoa Plataformak beren aldarrikapenak aditzera emateko. Migrazio eta errefuxiatu harrera politikak aztertzeko Gordailu zentroan egin beharreko Erakundeen Arteko Mahaiaren bilerara sartu aitzinetik, Urkullu lehendakariari ongi etorria egin diote atarian jota bat abestuz, eta ospitaleko eraberrritze lanak gelditzeko eta 100.000 bidasotarren kezkak entzun ditzan eskatzeko.

Lehendakaria haien aurrean paratu da une batez, eta berehala sartu da bileran plataformako kideekin hitzegiteko betarik eman gabe. Plataformakide batek esan digunez, "esperantzarik ez dugu hitzegiteko, baina kasurik egiten ez digutenez, entzun dezala gutxienez". Kezkaturik azaldu dira, jakinik, ospitaleko berritze lanak maiatzaren 2an hasiko direla. Eta Eusko Jaurlaritzak eta Osakidetzak ez dutela hasierako plangintza ezertan moldatzeko asmorik agertu.

 

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika