Podcast

hondarribiko udalaren bi inbertsio garrantzitsuena

hondarribiko udalaren bi inbertsio garrantzitsuena

Hondarribiko udalaren bi inbertsio garrantzitsuenak

Bien bitartean, Hondarribiko Udalak aurten egingo dituen bi inbertsio garrantzitsuenak onartu egin ditu. Gabarrari kalearen berrantolaketa batetik, eta Portua auzoko berhiritartze lanen hirugarren fasea bestetik. Portuko berritzearen lehen fasean Almirante Alonso eta inguruko kaleak berritu zituzten, eta une hauetan bere azken txanpan dauden Bernat Etxepare eta Matxin de Artzu kaleen berritzeen ondotik, Itsas Argi eta Zuloaga kaleen berritzea egingo dute. Horretarako, 3 milioi eta 400.000 euro inguruko inbertsio bideratuko dute. Hala, Txingudiko Zerbitzuak enpresa publikoak lurrazpiko saneamendu sarea berritzeko milioi bat bere gain hartuko badu, Udalak bi kale hauek aurreko bi faseetan jarraitu dituen irizpide beretan berritzeko ardura hartuko duela iragarri du Aitor Kerejetak. Beraz, oinezkoei lehentasuna emanez, Itsas Argi kaleko espaloiak gutxienez bi metroko zabalera izango dute. Baina berezitasun nagusia, entzun duzute, Zuloaga kaleko elementu guztiak altuera berean ezarriko dituztela. Espaloiak, aparkalekuak zein errepidea ere. Zentzu honetan, etorkizun batean Portua auzoa peatonalizatzeko erabakia hartuko balitz, gauzak erraztu nahi ditu Udalak batetik, eta bien bitartean, herriko kalerik komertzialena dela aintzat hartuta, jaietan eta egun berezietan, aisialdi gune gisa baliatzeko, trafikoarentzat itxi eta oinezkoen kalea bilakatzea ahalbidetu nahi dute. Bestalde, Gabarrari kalea berritzeko erabakia hartu du udalbatzak. Aitor Kerejeta alkateak onartu duenez, bizilagunek aspaldidanik eskatu duten arren, atzeratzen joan den proiektua da honakoa.

Azken berriak

Alardearen erronkak Irungo V. Berdintasun Planean ezinbestean txertatu behar direla esan du Emakundek

Hendaia-Baiona arteko korridore seguruak aldarrikatuko dituzte larunbatean Pausun

'Hondamendia' dator Hondarribira kontsumo gizarteari buruz hausnartzeko

Erretreten erreformak geldiarazteko borrokan indarrak biltzen hasi dira mugaz gaindi

Iaz jaiotako 95 hondarribitarren ametzak martxoaren 18an landatuko dituzte

Komunitatea eraikitzeko tresna gisa baliatzen ari da euskara Dunboa eskola publikoa



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika