Irun eta Hondarribiko iñauterien desfileetarako prestaketa lanetan ari dira eskola eta elkarte ugarik. Baina ohiko desfileez gain, badira eskualdean euskal kulturari lotutako hitzorduak ere. Irunen, Kemen dantza taldeak antolatuta, Euskal Herri Iñauteria ospatuko dute heldu den larunbat goizean. Hondarribin, aldiz, Emeki elkarteak urtero antolatzen dituen Mairuak ospatuko dituzte baserriz baserri. Eder Balladares, Kemen-eko kidearekin, eta Montse Garmendia, Emeki elkarteko kidearekin mintzatu gara.