Podcast

Indarkeria matxista desagerraraztea kausituko duen belaunaldiak lekukoa hartu du (2021-11-25 15:16:28)

Indarkeria matxista desagerraraztea kausituko duen belaunaldiak lekukoa hartu du

Indarkeria Matxista Desagerrarazteko Egunean, Irungo DBHko ikastetxe publikoetako ikasleak izan dira protagonista nagusiak. Txingudi Ikastola, Toki Alai, Hirubide, Eguzkitza eta Plaiaundi Institutuko ikasleek «Aski Da!» ozenki aldarrikatu, eta aurten espainiar Estatuan emandako 37 hildako biktimak ohoratzeko mobilizazioa antolatu dute Zabaltza plazako kioskoan. Biktima bakoitzeko kandela bana piztu dute.

Etorkizuneko gizartea osatzen dute gazteek, eta aldaketa borrokatzeko prest direla adierazi dute, intentzio adierazpen argi eta amankomun batean. Izan ere, lehen aldiz ikastetxe publiko guztiek indarrak bildu eta elgarrekin antolatu dute A25eko mobilizazio hau. Eta iragarri dutenez, ez da azkena izango.

Beste kontzentrazioak

Ikasleen aldarrikapenak hurbiletik segitu dituzte udal ordezkari politikoek. Kioskora igo gabe, eta aterkietan aterpetuta plazan izan dira. Baina ez dira protagonista izan. Aldiz, Udaleko Berdintasun Batzordeak urtero lez deitutako kontzentrazioa udaletxeko arkupeetan egin behar izan dute ordubete beranduago euria zela eta.

Bestalde, Bidasoko M8 Asanbladak Zabaltza plazan egin du deialdia arratsaldeko 18:30etan. Eta Hondarribian, Emeki elkarteak deituta, Martxoak 8 plazatxoan elkartuko dira ordu berean.

Azken berriak

Indartzen doan beganismoaren irudiko izango da asteburuan ‘Be Veggie’ azoka Ficoban

Wallmapu elkarteak Elias Garay maputxearen erailketa salatzeko elgarreratzea deitu du Irunen

Irundarren eta migranteen premiak begiz jota ditu EH Bilduk 2022rako

Irun gabonetako hiriburu bilakatzeko eginahaletan

Agian Zu Ere Atzegizalea Zara eta Ez Dakizu

Egunero denda batean opari banarekin prestatuko dute ‘Gabonaldia Hondarribian’



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika