Podcast

Indarkeria sexistaren kontrako koordinazio plan esperimentala abian jarri dute Hendaian (2021-11-25 15:23:53)

Richard Irazusta, Hendaiako auzapezordea


Indarkeria sexistaren kontrako koordinazio plan esperimentala abian jarri dute Hendaian

Hendaia emazteen kontrako bortizkeria desagerrarazteko plan berri baten esperimentazio herria izanen da. ‘Indarkeria sexisten, sexuzkoen eta senide artekoen tokiko koordinaziorako kontratua’ izenpetu berri dute Herriko Etxeak, Pirinio Atlantikoetak 
Prefeturak, Baionako Justizia Tribunaleko prokuradoreak, Hezkuntza Akademiak, Baionako Ospitaleak edota Atherbea egitura eta Hendaiako Bagera elkarte feministak. Orotara 10 erakundek indarrak bildu dituzte, emazteenganako biolentzia desagerrazteko esperimentazio plan gisa. Neurri desberdinak hartuko dituzte, sentsibilizazio lanetik hasi eta tokiko eragileekin elkarlana sustatuz bortizkeria kasuak lehenbailehen identifikatzeko xedez. Izan ere, arazoak azkar identifikatu eta neurriak fite hartzeko aukera emango duelakoan dira koordinazioa tokian tokitik antolatuta.

Berritasun nagusia, aldiz, erasotzaileenganako tratamendua emango da. Politika proaktiboak bilatuko dituzte, eta bortizkeria baliatzen duten gizonekin lan berezia egin nahi dute, hauek familia zirkulutik atera, eta biktimak diren emazteak segi dezaten familia etxean bizitzen. Horretarako 3 apartamendu martxan dira gizonak aterbetzeko. Gaur egun 14 gizon jadanik plan honen barne dira, eta zazpik eskumutur elektronikoa dute Iparraldean.

Richard Irazusta, Hendaiako auzapezordeak argitu duenez, erronka handia da hartu dutena. Baina engaiamendua osoa da, hitzetatik ekintzetara pasatzeko, ez dutelako nahi argazki eta hitz hutsetan gera dadin.

Richard Irazusta, Hendaiako auzapezordearekin hitzegin dugu.

 

Azken berriak

Indartzen doan beganismoaren irudiko izango da asteburuan ‘Be Veggie’ azoka Ficoban

Wallmapu elkarteak Elias Garay maputxearen erailketa salatzeko elgarreratzea deitu du Irunen

Irundarren eta migranteen premiak begiz jota ditu EH Bilduk 2022rako

Irun gabonetako hiriburu bilakatzeko eginahaletan

Agian Zu Ere Atzegizalea Zara eta Ez Dakizu

Egunero denda batean opari banarekin prestatuko dute ‘Gabonaldia Hondarribian’



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika