Podcast

Ipar Kontrol: inspekzio teknikoan gidaria autoa bezain garrantzitsua denean (2021-09-14 13:57:23)

Ipar Kontrol: inspekzio teknikoan gidaria autoa bezain garrantzitsua denean

Autoa behar baldintzetan eramatea legeak markatzen du. Aldiz, bi errealitate elkarbizi dira Bidasoa eskualdeko bideetan. Irun eta Hondarribiko gidariek Tuv Rheiland multinazioanalak kudeatutako Irungo zein Doneztebeko ITV zentroetan pasa ohi dituzte beren autoen inspekzio teknikoak legeak agindutako epeetan. Hendaia, Biriatu eta Urruña-Pausuko gidariek, aldiz, Dekra enpresa kate handien eskukoetan pasa beharra zuten orain arte.

Baina alternatiba sozialago bat bada orain. 2020ko abenduan, pandemiaren atarian ateak zabaldu zituen Ipar Kontrol enpresak autoen inspekzio teknikoaren kontzeptu berria ekarri baitu. Biriatun kokatua, Bidasoa ibaiaren bazterrean eta autopista sarbidearen aldamenean, Francois Valerio eta Maite Apezetxearen inspekzio teknikorako gune berria, familiarra da. Eta ongi dakite, autoa baino, gidaria dela bezeroa. Hala, autoarekin lan egiteko punta-puntako teknologia baliatzearekin batera, bezeroak atseden har dezan egongela bat egokitu dute, kafea, eguneko prentsa bi hizkuntzetan, telebista… eta behar izanez gero, ordezko auto bat ere erabiltzeko aukera dago.

Hortaz gain, enpresa-kate handi baten menpe ez direnez, irabazien parte bat elkarte proiektuetarako bideratzen dute, eta Euskal Moneta Elkartearekin bat egin dute, euskoetan ordaindu daitekeelarik.

Hitzordua hartzeko, interneten, Ipar Kontrol bilatu besterik ez duzute egin behar. www.moncontroletechnique-lpd.fr 

Azken berriak

Justizia eta erreparazioa helburu, momentuz memoria biltzeko lanetan martxa onena ari dira Irunen

Pantailak Euskaraz: “Streaming plataformetan euskararen presentzia hutsaren hurrengoa da”

Mendelun emandako hitza jan dute berriz ere, bidegorria eta auzoa bizigarri egiteko konpromisoekin

San Juan baleontziaren proiektua hizpide Hendaia Baleakeko Solasaldietan

Geltoki auzoa biziarazteko akuilu lanetan inflexio puntuan da Borderline Fabrika

Muxukoaren kontra eserialdia eta planto egingo dute eskoletan

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika