Podcast

Iratxe Sorzabalen egoera salatzeko mobilizatzera deitu dute Irunen

Ihintza Ostolaza, Iratxeren Lagunak taldeko kidearekin hitzegin dugu


Iratxe Sorzabalen egoera salatzeko mobilizatzera deitu dute Irunen

Iratxeren Lagunak taldeak elkarretaratzea deitu du urtarrilak 14 honetan (19:00etan) Irungo San Juan plazan. Eta ez da datozen asteetan egingo duten mobilizazio bakarra. Izan ere, datozen egunetan utziko du Frantziak Iratxe Sorzabal irundarra Espainiaren esku. Hilaren 15etik 21era arteko epe horretan gauzatuko da estradizioa euroagindu baten baitan. Madrilgo espetxe batera eramango dutela uste dute euskal presoaren gertukoek, hala jakinarazi die Xantiana Cachenaut abokatuak.

Iratxeren egoera salatu nahi dute, hau onartu duten lehen estradizioa izanik, beste bi eskaera ere dituelako. Eta frogatua geratu delako akusazio guztiak torturapean egindako adierazpenetan oinarrituak direla. Frantses justiziak hala aitortu du, baina hala eta guztiz ere prozedurarekin aurrera segitu dute.

Madrilgo Audientzia Nazionalean epaituko dute otsailaren 7an eta 8an, eta horren aurretik ere, manifestazioa egingo dute Irunen otsailaren 5ean.

Torturari buruzko dokumentala

Bestalde, hilaren 21ean (19:00etan) ‘Bi arnas’ dokumentalaren proiektua aurkeztuko dute Irungo EKT elkartean. Ilusio handiz baina baliabide eskaxekin egindako proiektua dela iragarri dute, baina Iratxe Sorzabal eta bere amaren adierazpenak biltzen ditu besteren artean, torturak azalerazi eta memoria eta justizia hainbestetan aipatzen den garai horretan, errealitate gordin horren azalerazteko helburuarekin. Proiektua sustengatzeko diru bilketa kanpaina abian jarriko dute itsulapiko.eus plataforman.


Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika