Bidasoaldeko Ezker Abertzalea, Aralar, Eusko Alkartasuna eta Alternatiba alderdiek bizi dugun egoera sozio-ekonomikoaren aurrean, eraldaketa soziala eta burujabetzan oinarritutako alternatiba dagoela erakusteko, dinamika berri bat aurkeztu zuten atzo Irunen. Bidasoko eskualdean erronka ekonomikoei eta herritarren beharrei erantzuten dien plan sozio-ekonomiko berria gizarteratzeko hainbat ekintza antolatuko dituzte datozen asteetarako. Aurrenekoa datorren asteartean, hilaren 15ean arratsaldeko 19:30etan izango da. "IRTENBIDEA BADAGO!" izeneko hitzaldia antolatu baitute Amaia Kultur Zentroan. Nolanahi ere, atzokoan herri berri baten eraketan kontuan hartuko dituzten zutabeak nabarmendu zituzten. Ibai Labaien