Podcast

Irun Zuzenean festibalak urrats bat aurrera emango du aurten

Junkal Eizagirre, Irungo Udaleko Kultura zinegotzia


Irun Zuzenean festibalak urrats bat aurrera emango du aurten

Irungo Udaleko Kultura arloak ekitaldi handien aldeko apostua egin du aurten. Eta horren irudiko izango da irailaren 30 eta urriaren 1eko Irun Zuzenean festibala. Ezpalak, Maren, Jordana B, Ivan Ferreiro, Dupla, Maika Makovski, Malforta, Ginebras, Imapcto Vudu eta Zahara izango dira Ficoban bi egunez.

Aurrekontua 120.000 eurotaraino emendatu du, aurreko edizioarena hirukoiztuz, eta Getting enpresari esleitu dio festibalaren antolaketa bi urteetarako. Junkal Eizagirre Kultura udal ordezkariak nabarmendu duenez, filosofia aldaketa bat egin dute. “Emakume musikarien presentzia indartu nahi izan dugu, eta festibala goi mailan jartzeko bertako eta kanpoko talde garrantzitsuak erakarri”, dio Eizagirrek.

Horren harira datoz Ficobara Maika Makoswski, Maren, Ginebras, Jordana B edota Zahara taldeak. Bi egunetan, Ficobako barruko eta kanpoko eszenatokiak izango dira, eta atsedenaldietan festibalean jarraitzeko eta food-trucksetan jateko chil out gune bat ere.

Sarrerak 30 eurotan dira bi egunetarako, eta 15 eurotan egun bakarra. 500 ikusle biltzea espero dute egun bakoitzean.

Kartela

OSTIRALA, Irailak 30

19:00 Ezpalak 

20:00 Maren

21:00 Jordana B

22:00 Ivan Ferreiro

23:30 Dupla

LARUNBATA, Urriak 1

19:00 Maika Makovski

20:00 Malforta

21:00 Ginebras

22:30 Impacto Vudú

23:30 Zahara

 

Azken berriak

Grebari bost hilabetez eutsi behar izan diote garbitzaileek, ISSk negoziazioari bide emateko

Emakume errepublikarrek kartzela frankistetan bizitako umiliazioak Oiasson ikusgai

Txingudiko Badia dragatuko dute Hendaian, Bidasoak aspaldiko urteetan metatutako loietaz libratzeko

Euskaraldia hedatzeko auzoetara luzatuko dute deia Hondarribian

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika