Podcast

200430 Tokiko Gaia ANTXETA Jaiak eta udako (2020-04-30 15:48:51)


Irungo San Martzial jaiak ospatu ahalko diren maiatzaren 10ean erabakiko dute

Egun horretan zehaztuko da, udako hiri nagusietako bestak eta kultur jarduera handiek bete beharko dituzten segurtasun neurriak. Eta beraz egingarriak ote diren ala ez. Udako herrietako besta egitarauari abiada eman ohi diote, ekainaren azken 10 egunetan Irungo San Pedro eta San Martzial jaiek. Baina Irungo Udalak ez du oraindik erabaki ofizial bat hartu. Hondarribian ere, ekainaren erditsuan milaka lagun bildu ohi dituen Erdi Aroko Azoka egokituta antolatu ahal izango duten ez dakite. Txomin Sagarzazu, Hondarribiko alkateak iragarri duenez, hori eta udako gainerako hitzorduekin, maiatzaren 10a arte itxaron beharko dute erabaki ofizial baten hartzeko. Irunen, aldiz, jaietako egunik jendetsuena Alarde Eguna izanik, Alarde Publiko eta parekideak uko egin dio dagoeneko egun horretan desfileatzeari. Aurreneko aldia izango da bere historian. Alarde tradizionalak, aldiz, ez ditu oraindik aukera guztiak baztertu. Baina Alardeetatik haratago, hiriko elkarteen lagutnzarekin jai nagusietan antolatu ohi diren 200 bat jarduerekin zer egingo den lehenbailehen argitzea galdegin du Elkarrekin Podemos oposizioko talde politikoak. Formatu txikiko ekimenak salbatu daitezkeelakoan dira, baina horretarako garaiz eta denboraz antolatu beharko direla diote. Eta beraz, Udal Gobernuak lehenbailehen zuhurtziaz eta arduraz erabaki baten har dezala galdegin diote alkateari. Bestalde, ikusirik Irungo komertzio sektorea, hein handi batean Nafarroako eta Ipar Euskal Herriko bezeroei esker bizi dela, eta krisi sanitarioaren mugako kontrolak eta neurri zorrotzak udazkena bitartean luzatu daitezkeela, herriko etxeak Kontsumo eta Merkataritza Mahaia lehenbailehen deitu dezala eskatu dute. Merkatariekin bildu, eta epe ertainean hartu beharreko neurriak eta eman beharreko laguntza ekonomikoak zehazteko. Hortan, herriko jaietan ospatu ezingo diren ekitaldi guzietako aurrekondua, hortara bideratzea proposatu dute. 

Azken berriak

Hondarribiko oposizioko udal taldeek egoera ekonomiko eta sanitarioaren aurrean, herritarrak laguntzeko ahalegin handiagoa egin dezala galdegin diote

Noiz arte?

Deskonfinamendu ezberdina Bidasoaren alde batean eta bestean

Uda berezia aurreikus daiteke

Hondarribia dantzan aurten ere, baina beste gisan

COVID-19aren krisia dela eta Hendaian ospatzekoa zen euskal preso eta iheslarien aldeko “Futbol7” ere txapelketa bertan behera

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika