Kontserbazioaz mintzo Maia eta Aimarrekin

Seigarren emankizun honetan, Maiak Jean Michel Basquiat artista multidisziplinarraren bizitza azaldu digu. Bere familiak, jatorriek eta haurtzaroak eragin nabaria izan zuten bere lanean. 1970 eta 1980. hamarkadetako New Yorken murgildu gara, Basquiaten lanaren bidez orduko jendartea hobeki ulertuz.

Gaur Maia ez dugu gurekin, eta beraz nik, Aimarrek, artearekin dudan loturari buruzko hausnarketa batzuk egiteko profitatu dut tarte hau. Ibilaldi bat egin dut Bilbon zehar, eta gurutzatu ditudan karrikako artistei buruz mintzatu gara besteak beste.

Picassoren garai urdinari hasiera eman zion Bizitza artelanari buruz mintzo gara Maiarekin. Artelanaren atzean istorio bitxi zein interesgarria dago, bai formari baita fondoari dagokionez ere.

937an, Parisen bizi zela, Pablo Picassok Espaniako Gobernuaren eskutik eskaera bat errezibitu zuen. Pariseko Exposizio Unibertsalarentzat bere obra bat nahi zuten. Obra hau osatzeko hilabete bat lehenago (apirilan) gertatu ziren bombardeaketeri buruz hitzegia erabaki zuen artistak, eta hilabete bakarreko epearekin obra bat sortu zuen. Obra hau osatzeko olio pintura erabili zuen, horregatik ikerlari batzuek diote obra lehen aldiz "bukatutzat" eman zenean eta Parisera eramateko biribildu zenean, ez zegoela guztiz lehortua (olio pinturak sekulako denbora jartzen baitu lehortzen). Azpiko marrazkiak ikusi daizteke zati batzuetan, seguraski denbora faltagatik ez zituen kamuflatu. Hain tamaina handiko lan bat osatzea (4x8m) hilabete bakar batean oso zaila da.