Podcast

Korrikari esna itxointzeko eta gogoa pizteko jaia antolatu du Blaganek Hondarribian

Estitxu Arretxe, Blagan euskara taldeko kidea


Korrikari esna itxointzeko eta gogoa pizteko jaia antolatu du Blaganek Hondarribian

22. Korrika goizeko ordu txikitan datorrenez eskualdera, Hendaian eta Irunen bezala, Hondarribian ere egun osoko egitaraua prestatu dute motorrak berotu eta gogoa pizteko ez ezik, bernadu arte esna mantentzeko. Blagan euskara taldeak AEKren eta Hondarribiko Udaleko Euskara Zerbitzuaren laguntzarekin Korrika Jaia prestatu dute bi ataletan. Estitxu Arretxe, Blagan elkarteko kideak azaldu digunez, goiz eta arratsaldez Arrantzale Auzoan (Itxaropena eta Gran Sol arteko plazatxoan) haur eta nerabeentzako jarduerak izango dira. Goizeko 11:00etatik aurrera haur jolasak, eta 17:00etatik aurrera koxkorragoentzat gynkana.

Iluntzean, aldiz, eta berandu arte bina kontzertu eta paellada herrikoia egingo dute Zumardiaren atzealdeko aparkalekuan. 19:00etan Marmokaren kontzertuarekin hasiko dira eta afalondoan Skubi taldearen emanaldia luzatuko dute 01:30etan Korrika Kostako bide zaharretik Alde Zaharrera sartuko dela jakinik. Arretxek aipatu digunez, jarduera guztiak herriko eragile eta elkarteek antolatuko dituzte, bertako herritarrentzat.

Afaria 120 lagunentzako da, eta txartelak apirilak 7 arte eskura daitezke 10 eurotan Itxolan, Txantxagorri eta Basque tabernetan.

 

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika