Podcast

Korrokoitz eremua garatzeko akordioa egokia zela, eta denborak arrazoia eman diola aldarrikatu du EAJk

Xabier Iridoy, Irungo EAJ-PNVko bozeramalea


Korrokoitz eremua garatzeko akordioa egokia zela, eta denborak arrazoia eman diola aldarrikatu du EAJk

Pozik azaldu da EAJ udal taldea, udalbatzan aprobatzera eramango den Korrokoitz eremuaren behin-betiko ordenazioa eurek gobernuan 2015etik 2018ra "egindako lanaren fruitu" delako.  

Ostiralean azaroko Irungo udalbatzan onartzera eramango da 1987az geroztik zintzilik daraman "Urdanibia plaza itxi, kanala berreskuratu eta Alde Zaharraren hobetzean giltzarri" izango den Korrokoitz eremuaren berrantolaketa plana. Udal teknikariek eta jabego pribatuaren arkitektoek adostu eta ontzat emandako proiektua da. Eta 2018an hika-mika politiko eta juridiko zurrunen ondorioz PSE-EAJ udal gobernu koalizioa apurtzea eragin zuen akordioa izaki, "gobernuan Hirigintza arloan egindako lanaren emaitza delako", pozik azaldu dira jeltzaleak. Xabier Iridoy bozeramaleak iragarri duenez, "baiezkoa emango du EAJk udalbatzan, garai haietan egindako lana ongi egina zegoela erakusten baitu oraingo planak, 2018koaren ordenazio egituraketa, etxeen kokapena eta kanalaren berreskuratze eta naturalizazio irizpide beretsuak baititu".

Zentzu horretan, 2008an udalbatzak ordenazio plan bat behin-betiko onartu zuela, eta hura EAJk eremua berraktibatu zuen arte, gelditua egon zela oroitarazi du talde jeltzaleak. "Udala ez da gai izan ordenazioa bideragarri egiteko hamarkadetan zehar", dio Iridoyk. "Porrot egin zuen plan hark, eta konparatzen badugu 2018arekin alde handiak daude, egitura eta ordenazio aldetik. Aldiz, 2018tik orain onartuko den 2022kora, guk lortu genuen akordio tekniko berbera da", nabarmendu du Iridoyk.

Nolanahi ere, eztabaida politikoak alde batera utzi, eta "hura pasata dago, eta etorkizunera begira jarriaz", irundarren onerako lanean jarraitzeko deia luzatu du.

Azken berriak

Kepa Ordoki elkarteak "Pequeña velocidad" esparrua Memoria Demokratikoaren gune izendatzea eskatu du Ministroen Kontseiluan

Giza eskubideen astea Irunen

Ostomila txontxongilo taldea Boliviako nazioarteko festibalean

Elefante txuriaren Erromatar desfile handia Iruñean

Intxaurra antzezlana eskainiko dute Lesakan larunbatean

Bertso taldekako txapelketa ospatuko da larunbatean Beran eta Lesakan



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika