Labiaga Ikastolak zirku ikastaroa antolatu du abendurako

Oreka zirku eskolak eskainiko du ikastaroa eta 5 eta 10 urte bitarteko haurrei zuzenduta egonen da. 

Berako Labiaga Ikastolak, Berako Kultur Batzordearekin batera, zirku ikastaroa antolatu du 5 eta 10 urte bitarteko haurrentzako. Ikastaroa abenduaren 5, 6, 8 eta 9an ospatuko da eta izen-ematea azaroaren 25ean bukatuko da.

Jakitera eman dutenez, abenduaren 5ean eta 8an, arratsaldez izanen da tailerra. 15:30ean hasi eta 16:45ak arte 5 eta 7 urte bitarteko haurrek parte hartuko dute eta 17:00etatik 18:30era berriz, 8 eta 10 urte bitartekoek. Abenduaren 6an eta 9an aldiz, goizez eginen dute ikastaroa. 10:00etatik 11:15era 5 eta 7 urtekoak arituko dira eta 11:30etik 13:00ak arte 8 eta 10 urtekoak.

Tailerra Labiaga Ikastolako Eztegarako egoitzan izanen da eta parte hartzeko izena eman beharko da aldez aurretik. Hain zuzen ere, ortzirale honetan (azaroak 25) bukatuko da izen-ematea eta horretarako esteka bat jarri dute eskuragarri: https://docs.google.com/forms/d/e/1FAIpQLSeupdyrZFCGAGmADtCOTHp3f42qyuReuva6zZo1zPqtrD-geg/viewform.

Azken berriak

Kepa Ordoki elkarteak "Pequeña velocidad" esparrua Memoria Demokratikoaren gune izendatzea eskatu du Ministroen Kontseiluan

Giza eskubideen astea Irunen

Ostomila txontxongilo taldea Boliviako nazioarteko festibalean

Elefante txuriaren Erromatar desfile handia Iruñean

Intxaurra antzezlana eskainiko dute Lesakan larunbatean

Bertso taldekako txapelketa ospatuko da larunbatean Beran eta Lesakan



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika