Podcast

Maila goreneko pilotakadak itzuliko dira Daniel Ugartera bi urte ondoan (2022-01-06 15:21:20)

Mikel Larralde, Endaiarrak elkarteko presidentea


Maila goreneko pilotakadak itzuliko dira Daniel Ugartera bi urte ondoan

Pandemiaren ondorioz iaz ezeztatu zen Hendaiako Bixintxo bestetako pilota gaualdia berreskuratzeko esperantzaz lanean ari da Endaiarrak pilota elkartea egunotan. Heldu den urtarrilaren 28an, Elezkano II-Zabaleta eta Laso-Imazen arteko kartela dute begiz jota, baita aitzinetik jokatuko den promozioko Salaberria-Erostarbe eta Larrazabal-Salaverri promozioko partida ere jokatuko da. Mila ikusle inguru bildu ahalko dira harmailetan, COVID19ari aurregiteko neurriak aldatzen ez badira ere, murrizketa gehigarririk ez baititu herriko etxeak aginduko. Eta honen babesari esker, sartzeak 20 eurotan besterik ez dira.

Mikel Larralde, Endaiarrak elkarteko presidenteak azaldu digunez, azken bi urteak zailak izandu dira pilota munduarentzat, eta elkarteak 10 bat jokalari galdu ditu ere, baina gaur egun 150 lagun inguru ari dira pilotan behar neurriekin, baina trebatzen eta emaitza onekin jokatzen ere.

Halere, Behe Bidasoa 100.000 bat biztanleko eskualdea izanik, pilotaren harrobiaren egoera «beldurgarria» dela aitortzen du Larraldek. «Oso jokalari gutxi daude, eta eskoletara eramateko eta eskualdeko beste pilota elkarteekin lankidetzan pilota eskolari bultzada baten emateko proiektua bagenuen pentsatua, baina pandemiarekin dena gelditu egin da», esan du. Xehetasun guziak eman dizkigu ondoko elkarrizketan.

OHARRA: Pilota gaualdirako sarrerak erreserbatzeko (partida egun berean ordaindu daitezke), Iparraldetik 0687 53 73 13 eta Hegoaldetik (0033) 687 53 73 13 deitu edo whatsapp bidez datuak eman daitezke. Eta emailez ere, erreserbak egiteko endaiarrak.euskalpilota@orange.fr

 

Azken berriak

Mugazgaindiko harremanak estutzen jarraitzeko, lemixiko partaidetzazko aurrekontuak

Bidasoaz gaindi lekukoa elkarri emateko deia luzatu dute Korrikaren bueltan

Erosketa bonoen ekimenak irundarren 1,5 milioi euro mobilizatu eta Irunen geratzea ahalbidetu du

Epailearen esanak beteko ditu Irungo Udalak, Sohaibo Billa identifikatu gabe Blaian lurperatzea aginduko balu ere

Irungo emakumeen erdiak jasan du inoiz biolentzia matxista

Aldundiak Jaizkibel mendiko ondare arkeologikoa eta naturala noraino kaltetu dituen baloratzeko eskatu du Abotsanitzek



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika